LTWOO A7 10-speed Review

Murang 10-speed upgrade setup

Ito ang review ko sa LTWOO A7. Ito na yata ang pinaka-murang 10-speed upgrade setup sa ngayon.

Ang LTWOO A7 ay ang 10-speed na groupset/gear set from LTWOO. Shifters, front and rear derailleurs pa lang ang pwede mo mabili. Compatible ang LTWOO A7 sa Shimano dahil 2:1 din ang ratio na gamit nito.

Disclaimer: Ang LTWOO A7 gear set na nasa review na ito ay provided ng LTWOO Philippines para gawan ko ng review.

Kung bibili ka nito, nasa P2,400 ang SRP ng gear set na ito.

Setup

Naikabit ko sya sa current MTB ko na Merida. Dating 9-speed ang setup ko. Shimano Alivio shifters at front derailleur, 9-speed Deore naman yung rear derailleur.

Para sa upgrade na ito, pinalitan ko na din yung cogs ng Weapon Shuriken cassette na 10-speed 11-42T. Dating naka 11-36T na Shimano cogs lang ako.

Gumamit na din ako ng goatlink o rd extender dahil 11-40T lang ang rated na range ng LTWOO A7. Hindi ko na sinubukan kung pwede ba na walang goatlink, naglagay na lang din ako para sigurado. Mumurahing goatlink/rd extender lang ang binili ko.

Syempre kailangan ko din magpalit ng chain. Nagpalit na din ako ng shifter housing.

Gusto ko sana mag 1x setup dito, pero dahil wala ako mahanap na 96bcd at 32t chainring na gusto ko, 3x muna ang magiging setup ko dito. Para na din ma-review ko din yung front derailleurs.

Pwede daw gamitin ang LTWOO A7 sa 3x o 2x na chainring.

Aesthetics

Walang visual indicator ang shifters ng LTWOO A7. Sa tingin ko, dahil geared towards more experienced riders itong 10-speed LTWOO A7 series kaya ganon. Kasi pag nasanay ka na naman, hindi mo na din naman kakailanganin ng visual indicator sa shifters.

Kulay blue yung pinili ko para terno sa bike ko. Kahit yung kulay green, sa tingin ko ay teterno pa din sa bike ko. May mga kulay ka na mapagpipilian sa LTWOO A7; black, red, green, at blue.

Dati, sabi ko kung sakali man na gagamit ako ng LTWOO components, yung black lang sana para hindi halata. Pero ngayon na nalaman ko na ang background ni LTWOO, nag decide ako na makulay na ang gagamitin ko. Para kapag may nakakita sa bike ko, mapapansin agad ito. Makikita agad at mapapasabi sa akin na, “uy, LTWOO pala ang gamit mo”.

Mas mahal nga pala yung may kulay na LTWOO parts, di ko alam kung bakit pero iba ang presyo nya sa kulay black lang.

Unang iniisip ng iba, dahil parang eyecandy sa kulay ang mga LTWOO components, akala nila gawa ito sa plastic at madaling masira. Hindi naman pwede na ganon ang materials sa derailleurs. Yung shifters, plastic talaga, plastic din naman sa iba e.

May kasamang shim yung front derailleur para sa mas manipis na seat tube siguro. Ako, 27.2 yung seatpost ko pero hindi ko naman nagamit yung shim.

Impressions

First impression, sa rear derailleurs, matigas yung spring. Okay yun kasi hindi masyado magiging ma-play yung RD para mag-casue ng chain slap ung sakaling sa trails gagamitin.

Naipakabit ko lang ito sa mekaniko sa local bike shop na malapit sa amin. Hindi naman nagka-issue ang pagkakabit at pagtotono.


Nung una kong sakyan at subukan i-shift, pansin ko agad na parang mas konting pindot lang yung kailangan kong gawin para magclick yung shift. Hindi tulad nung naka Shimano Alivio pa ako na medyo mas malalim ng konti ang pisa bago mag click.

Nakakapanibago nga lang din kasi nasanay din ako na pa-kalabit ang ginagawa ko sa Shimano Alivio shifters kapag maglilipat na ako sa smaller plates/cogs. Pero pwede din naman sa Alivio na pa-push lang, kaya lang dun talaga ako nasanay.

Siguro kailangan pa ng mga ilang rides para makasanayan ko din na puro thumb na lang ang gagamitin ko pag shift. Yung ganitong style pala, para hindi mo na tatanggalin yung iba mo pang mga daliri sa brake levers.

Mabilis naman ang shifting, click then lipat agad. Medyo mahirap i-explain sa salita, pero satisfying ang performance pagdating sa shifting. Gagawan ko ito ng video, tapos iuupdate ko ang post na ito.

Kailangan ko nga lang na laging isipin na wag mag-cross chain dito. Wala na din kasi tinginan sa shifters kung nasaang gear na, pero tingin ko sanayan lang talaga.

Test Ride

Hindi ko pa ito naitest ride ng matindi. Konting ride lang mula sa shop hanggang sa bahay.

Sobrang gaan na sa patag nung 1×1 na gearing (22-42), pero tingin ko mapapakinabangan ko din yun kapag mag ride ulit kami sa mga sobrang tarik na ahunan.

Pero ayun nga, balak ko mag palit din sa 1x setup.

Satisfied naman ako sa performance ng shifting niya, walang issue doon.

Kung tatagal nga lang ang pyesa na ito, magkakaalaman pa. Tingin ko naman matibay din, pero update ko na lang ang post na ito sa future.

Verdict

Hindi ko pa mabigyan ng final verdict itong LTWOO A7 dahil hindi ko pa naman masyado nagagamit ng matagalan.

Kung kaya ba nito tumapat sa Shimano o SRAM, alam naman natin na matagal na yan sa industriya. Subok na kumbaga. Samantalang si LTWOO naman, bagong player lang sa market ng drivetrain components.

Pero sa nakikita ko, seryoso si LTWOO na kahit papaano ay lumaban sa mga sikat na na drivetrain brands ngayon. Bago pa lang kasi si LTWOO, mura pa, kaya hindi maiiwasan ng tao na magdalawang isip dyan. Pero kung iisipin natin na, kapag ginawa pa ni LTWOO na mahal ang bigay nya ng mga pyesa, lalo sigurong hindi ito papansinin.

Kailangan lang talaga na patunayan ni LTWOO na maganda din ang mga pyesa nya, maayos ang performance, at tatagal dapat para masabi natin na sulit na din bilihin itong LTWOO parts.

Ang nakikita kong kagandahan ng paglabas ni LTWOO sa bike market natin, ay nagkaroon tayo ng alternative na murang pyesa na pwedeng bilihin. Kasi hindi naman lahat ng mga kapadyak, ay kayang gumastos ng malaki para sa mga mamahalin na pyesa na pang upgrade.

Hindi pa tapos ang review na ito. Iuupdate ko pa ito habang tumatagal ang pag gamit ko sa LTWOO A7 na gear set. Gagawa din ako ng video tungkol dito.


  • 136
  •  
  •  
  •  
    136
    Shares
    1. Mark May 18, 2018
    2. Arjay May 18, 2018
      • Ian Albert May 18, 2018
    3. Wilpert May 19, 2018
      • Ian Albert May 19, 2018
        • bong alzate May 22, 2018
    4. Marcial Marco May 22, 2018
    5. Marcial Marco May 22, 2018
    6. Argel Tamayo May 24, 2018
      • Ian Albert May 25, 2018
    7. R May 25, 2018
      • Ian Albert May 25, 2018
    8. Aldrien Belacsi May 28, 2018
    9. Argel Tamayo June 5, 2018
      • Ian Albert June 7, 2018
    10. jimboy June 8, 2018
      • Ian Albert June 10, 2018
    11. Jed tan June 11, 2018
    12. Jed June 11, 2018
      • Ian Albert June 11, 2018
    13. MrBaquiran June 16, 2018
      • Ian Albert June 17, 2018
      • Kevz June 29, 2018
    14. Prince J. Rivera September 3, 2018
      • Ian Albert September 4, 2018

    Add Your Comment