Yung mga upgrades sa bike, magastos talaga yan. Pag tinamaan ka talaga ng sakit ng biker na “upgraditis”, kahit kakabili mo pa lang ng bike ito ang magiging lagi mong tanong:
“Ano kayang magandang i-upgrade sa bike ko?”
Kahit wala naman dapat palitan. Kahit hindi pa masyado nagagamit yung bike.
Hindi talaga maiiwasan yan. Madali naman yan e, upgrade mo lang agad yung mga pyesa nya, kaso medyo mapapagastos ka dun
Pero may mga bagay din naman na pwedeng bilihin na mura lang, na pwede mo na din masabing upgrade sa bike. O basta para sa bike, kahit hindi naman upgrade na pyesa, na kahit papaano siguro makakatulong na magamot ang nararamdaman mo na upgraditis.
Cycling Jersey and Cycling Shorts
Kung normal lang na shorts at t-shirt ang gamit mo pag padyak, maganda siguro na subukan mo din magsuot ng proper cycling jersey at shorts.
via DHgate
Mas kumportable kasi, at hindi nakakaipon ng pawis yung tela ng ganitong damit. Pwede mo pa buksan yung zipper sa harap ng jersey para mas madali ka makapagpa cooldown ng katawan pag nagpapahinga na o kahit habang tumatakbo.
May bulsa pa yung cycling jersey sa likod na pwede mo malagyan ng cellphone, at iba pang mga gamit.
Yung cycling shorts naman, may padding na nakakatulong mabawasan ang saddle sores. Hindi mo na need mag underwear sa loob para mas kumportable din lalo. Kung hindi ka naman sanay na naka cycling shorts lang, pwede ka naman mag short pa ng pang bike sa labas. Importante lang talaga na may padding ka sa loob.
Mura lang ito sa bangketa, yung huli kong bili nasa 200 pesos lang ang jersey at yung shorts naman nasa 230 kaya tawadan. Hindi mo man masasabing dabest ang quality, pero pwede na. Mura lang naman e. Ito yung KSK ang nakasulat na brand.
Merong nabibiling set na sa bangketa din, mas mahal ng konti pero sa karanasan ko na pagbili nun, mas maganda ang kalidad nun. Ito naman yung mga Coolmax na ang brand.
Bike Computer
Kung gusto mo medyo i-up ng konti ang level ng pagpadyak mo, gumamit ka na ng bike computer. Ito yung nilalagay sa stem o sa may handlebar para may visual indicator ka kung ano na yung current speed mo, ilang kilometro na yung natakbo, at gaano katagal ka na pumapadyak. Pwede mo din makita yung max speed mo, average speed, at iba pa.
via The Bike Lane
May murang nabibili nito. Sunding yung brand. May wireless at merong wired. Pwede na din.
Meron din naman na mas kilalang brand, Cateye kaso may kamahalan na, pero yun ang gamit ng karamihan.
May nakita din ako sa online na Lixada ang brand, mura din at may cadence sensor na.
Yung gamit ko ngayon ay Bryton ang brand, may GPS na ito, pero sobra na sa P1k ang presyo nito, medyo may kamahalan pero sulit na din kasi pwede i-sync sa Strava at i-pair sa mga ANT+ sensors.
Mas okay na may dedicated bike computer ka kaysa sa cellphone ang gamitin mo, pwede yun pero medyo hassle mag mount sa handlebar, baka mahulog, at malakas pa sa baterya.
>> Buy Cycling Computer Online
Cockpit Set
Sa mga budget bikes, minsan bakal pa ang cockpit set nyan. Yung handlebar, yung stem, at yung seat post. Okay din na mapalitan yun ng alloy na para kahit papaano, makabawas ng bigat. Mura lang din ang mga to sa bangketa, nasa 300 lang isa ng bawat pyesa na yan. Kahit hindi orig na branded, basta alloy lang pwede na.
via LJ Bikes
Pwede ka din magpalit ng handlebar o stem depende sa setup na gusto mo gawin. Riser handlebar kung gusto mo mas upright pa at comfortable na position sa bike, pwede din straight handlebar naman at negative stem para sa mas aggressive at pang karera na riding style.
Handle grip din maganda at mura din na pwedeng bilihin. Madaming klase, madaming kulay na swak i-terno sa bike.
Pedals
Yung pedals ng bike, magandang palitan din sa mga stock ng bike. Kasi karaniwan sa stock pedals, plastic lang, o hindi din maganda ang itsura.
via Aliexpress
Madami na din mapagpipilian na mga murang pedals na alloy na. May ibat iba pang kulay na ayos din i-terno sa porma ng bike.
Mas okay kung sealed bearing na pedals na din ang ipapalit para mas maganda ang performance, mas less worry sa alog, kaya lang mas mahal lang ng konti sa ordinary pedals pero meron namang hindi lalampas ng P1k ang presyo.
Crank Boots
Ito yung nilalagay na goma sa may dulo ng crank arms, malapit sa kabitan ng pedals.
via Aliexpress
Pang proteksyon na din sa gasgas ng crank arms.
May makulay na mapagpipilian din nito.
Brake Lever Boots
Ito naman yung nilalagay sa may brake lever yung kinakapitan natin pag mag ppreno na tayo.
via Aliexpress
Bukod sa porma lang din, madaming kulay, okay din na maglagay nito kasi mas masarap sa daliri.
Sa mga non-series naman na hydraulic brakes ni Shimano, kinakalawang yung brake levers, kaya nakakatulong din itong brake lever boots.
Chainstay Protector
Ito naman yung nilalagay sa may chain stay. May ibat ibang variant nito. Pwede ka nga din mag DIY nito.
via Youtube
Ito yung tumutulong para hindi magasgasan yung pintura ng bike mo sa may chainstay. Yung tinatamaan ng kadena kapag nagrride ka sa mga may lubak.
Yung velcro type nga lang ang gamit ko na ganito, buti na lang at noong una pa lang gumamit na ako agad ng ganito. Meron pa na mabibiling imitation ng sa Da Bomb na rubber type, mas mura kaysa sa orig pero parehas lang naman ng trabaho. Makukulay din yun.
>> Buy Chainstay Protector Online
>> Buy UnliAhon Official Chainstay Protector Merch
Jawbreaker
Ang tinutukoy ko dito ay yung shades na pekeng Oakley. Alam naman natin na sobrang mahal ng orig na Oakley Jawbreaker.
via SFME
Pero madami mabibili nito sa bangketa, tig-P100 lang. Maporma, bagay sa biker, at syempre proteksyon mo na din sa puwing at sa araw.
Kung afford naman ang mas maganda at orig na sunglasses, mas ok yun. Spyder brand maganda, ganun ang gamit ko.
Saddle
Kung masakit ang upuan mo sa pwet, maawa ka sa pwet mo baka kailangan mo ng bagong saddle. Mura lang naman ang mga saddle, madami ding klase at style. Kaya lang, hit-or-miss ang mga ito, kasi wala namang perpektong saddle na kumportable sa lahat ng tao.
via eBay
Bawat bikers, ibat iba ang saddle na pinapaburan ng pwet nila. Parang trial and error ang gagawin mo dito hanggat mahanap mo ang saddle na soul mate ng wetpaks mo.
Saddle Bag
Kung wala ka pa nito, pero hindi ka naman sensitibo sa porma, magandang bumili ka din nito. Ayaw kasi ng iba maglagay ng ganito, nasisira daw ang porma ng bike nila.
via Top10BestPro
Pero para sa akin, malaking tulong din na may ganito ka kasi may isang lugar ka na mapapaglagyan ng spare tubes, bike tools, patch kit at emergency cash na din sa bike mo.
Hydration Bag
May mura nito, may mahal. Pero makakabili ka nito ng 1k budget. May kasama ng hydration bladder na nilalagyan ng tubig at may mahabang hose na pwedeng sipsispin habang pumapadyak.
via Evans Cycles
Hindi din naman uncomfortable ito sa likod e, kasi maliit lang din naman karaniwan ang ganitong mga bag.
May extra lagayan ka pa ng iba mo pang mga gamit, swak pang long ride o ride sa bundok para sure na hindi ka kakapusin sa tubig.
Fender
Yung ganito, okay na maglagay sa may fork.
via Pinkbike
Ang tinutukoy ko dito ay yung mumurahin lang na kinakabit pa zip tie. Pwede din mag DIY nito mula sa sliding folder o sa galon.
Kapag tag ulan, nakakatulong to para hindi ka matalsikan sa mukha ng tubig o putik man.
Ayun, ito na siguro muna. Yung ibang mga hindi nabanggit dito tingin ko ay karamihan meron na kasi mga essentials na lang talaga yun.
Hindi mo ikakabilis o mas ikalalakas ang mga nabanggit dito, pero kahit na papaano ay may maiaambag ang mga ito sa pag padyak mo.
Hindi din ito upgrades, dahil mas maganda talaga na iupgrade muna sa una ay ang katawan. Hindi lang basta yung tuhod. Dapat pati cardiovascular, para hindi ka hingalin sa rides masyado. Makukuha mo lang to kapag mas dumadalas ka pag padyak.
Sana makatulong ang mga to, ride safe mga kapadyak.
Disclaimer: May mga links sa post na ito na papunta sa Lazada. Kapag nai-click nyo at bumili kayo ng kahit na ano, may kaunting commission ako na matatanggap.
Ian tanong ko lang. Kasi yung pedal ko pag nag papadyak ako parang nka apak ako sa mga bulitas or ball bearings. Na overhaul ko na yung pedal at nilagyan ko ng bagung grasa. Pero hindi paraa nag babagu. Hindi kasi yun sealed. Hindi pa ako nka try ng sealed bearing na pedal. Sa tingin mo durable ba yun in terms of longevity? Ano comment mo sa sealed bearings basi sa experience mo? At gaano ka tagal yung pinka tagal mo na pedal na na gamit?
baka di na makinis yung mga bulitas kaya ganun.
sa experience ko sa sealed bearing pedals, mag 2 years na yung nabili kong flat pedals, swabe pa din yung sakin. hanggang ngayon nagagamit pa, wala pang play, smooth pa din.
Kuya Ian ano po brand ng sealed bearing pedal niyo? At magkano po?
dati, nung nag upgrade ako ng pedals from stock na ball bearing to sealed bearing, mountainpeak brand ang nabili ko na flat pedals. hanggang ngayon ok pa naman. nasa 1k ko yata yun nabili dati pa.
ngayon, naka shimano cleats pedals na ako, isang m520 at isang m540 para sa 2 ko na main bikes
San ka nakabili nung bryton? Also, may alam ka bang pwede mabilhan ng Mosso M5 na rigid fork?
sa eBay ko binili yung sakin, dun kasi mura that time pero ngayon mas mura na sa Aliexpress, dun umorder mga tropa ko. Sa mga bike shops meron nyan mosso rigid fork.
Ano maganda na groupset para sa trinx m520 yung hydro na sana at mga 10 speed na
kung kaya ng budget Deore groupset, nasa 13.5k ang groupset non. Yun ang 10-speed groupset ng Shimano. Pero kung low budget lang, pwede na ang LTWOO A7 gearset tapos Shimano non-series hydraulic brakes.
good evening sir
gamit ko ngayon padrone+
magkano pa bili mo sa bryton at anong model gamit mo?
Thanks po.
3k bili ko last year pa, bryton 310 lang yun, pero satisfied naman ako sa performance at tingin ko sulit na din ang bili
Idol ano po ang magandang hybrid bike ngayon? Bibili po kasi ako sana po masagot nyo😊…advance thank you na din😁
yun lang, wala kasi ako masyado nakikita na hybrid bikes na built bike, karaniwan sa mga alam ko na ganyan, nag coconvert lang sila from mtb or from RB na budget bike
Paano ikabit yung brake lever boots?
lagyan mo lang alcohol para dumulas
sir ian meron po ba bladed hubs na 6 pawls?
meron ba bladed hubs? alam ko ang bladed yung spokes lang
Sir ian pareview naman po ng trinx x-treme series salamat po..
gagawan din natin yan
Boss Ian ask ko lng kung anu mai suggest nyo sken or s mga gusto bumili ng budget Trinx n nka hydro brake n at internal cabling nrin at my lock out n s fork. salamat sainyo po tugon.
Trinx M189 o kaya Trinx M600
Ano po ang murang suspension fork ng bike na below 2k?
go for Suntour XCR na agad para mas sulit ang upgrade, dagdag lang konti sa budget na 2k
Mga kapadyak at kay Sir ian! San kaya may murang bilihan nang mga ROSWHEEL Saddle Bag tapos mga front lights para sa MTB natin? Around manila lang sana, baka may ma rekomenda kayo na murang shop? Yung talagang budget friendly! Salamat sa sagot!
subukan nyo sa Quiapo madami nakalatag doon
Sir Ian pwede po ba palitan yung 7 speed na cassette ng 9 tapos papalitan po ng alivio na RD and FD
pwede po pero need din magpalit ng hubs
Kakabili ko lang ng mtb kanina. Alloy an yung pedal pero stiff yung pag ikot. Natural ba yun na stiff ang pag ikot? Anong marerekomenda mong alloy sealed bearing pedal?
natural yun pag hindi sealed bearing
sealed bearing pedals ka na lang, any brand basta pasok sa budget
magkano po ang alivio gs at deore gs ta slx gs?
Good day Paps may tanung lang ako kasi 8x3speed bike ko ngayun plano ko mag upgrade to 9 or 10 speed ano ano pong parts ang ma papalitan and ano magandang brands ng parts napapalitan
Idol kuya ian ask lang po kung ano po bang ma i rerecomend nyo sakin na budget road bike kasi naka mtb ako nagyun gusto ko naman matry mag rb Ty poo😁😁
Idol kuya ian ask lang po kung ano po bang ma i rerecomend nyo sakin na budget road bike kasi naka mtb ako nagyun gusto ko naman matry mag rb Ty poo😁😁😁
sir ian, ano pong magandang frame na pwede pang hard trail, salamag in advance
boss sumasakit ung achilles tendonitis anu po gamot dito 29ers po bike ko M520 now bka palitan.ko.ng 26er na m1000 salamat po sa payo