Itong Trinx M800 ay parang upgraded version lang ng Trinx M500. Naka-hydraulic brakes na ito at 9-speed na yung setup.
Trinx M800 Specs
Alloy na yung frame nitong Trinx M800. Under din ito ng Trinx Majestic series. Same lang ng style ng frame sa Trinx M500 at sa Trinx M136.
Hindi pa nakainternal cabling yung frame. Size 17 lang yung nakita ko, hindi ko sure kung meron pang ibang sizes na pwedeng mapagpilian. Madami dami ding colorways na mapagpipilian.
Yung fork niya, Trinx suspension fork lang din na may lock-out.
Sa groupset naman, hindi din nalalayo sa mga pyesa ng M500 bukod sa konting na upgrade. Shimano Tourney pa din yung front and rear derailleurs. 3×9-speed ang setup dito sa MTB na ito, Prowheel yung crank na mukhang alloy naman na yung crank arms.
Hindi ko sure kung ano ang ratio ng cogs nito, siguro ay nasa 11-32T na. Hindi ko lang sure kung cassette type na ba yung hubs at cogs nito. Mukha namang quick release na yung hubs nito sa harap at sa likod. Bolt type din yung pagkakakabit sa rotors.
Yung shifters niya, Altus na 9-speed.
Naka hydraulic brakes na itong Trinx M800. Shimano non-series brakes ang nakikita kong nakakabit dito sa bike na ito. Maganda yun dahil hindi ibang 3rd party brand ang ginamit nila. Mas okay kasi ang performance at serviceability ng hydro brakes na ito kahit non-series Shimano lang.
Hindi ko lang makita kung paano yung pag papadaan ng hydraulic brake cables dito sa Trinx M800. Kung parehas lang ba sila ng lower-end Majestic series frame na walang padaanan ng hydraulic brake cable housing.
Sa wheelset naman, wala tayong info kung anong hubs ang nakakabit. 26er ang wheel size ng MTB nito, tulad lang ng iba sa Majestic series. CST naman yung tires, 1.95″ ang lapad at parang katulad lang din ng nasa M500. Yung rims, alloy na din naman yata.
Trinx M800 Price
P8,500 ang price na nakita ko dito sa Trinx M800.
Verdict
Maganda ba ang Trinx M800?
Kung titignan mo, upgraded version lang talaga siya ng Trinx M500. As stock, maganda na yung Trinx M500. Pero kung nagbabalak ka iupgrade yun na lagyan ng hydraulic brakes, sa palagay ko mas maganda na itong Trinx M800 na lang ang bilihin mo sa umpisa pa lang.
Ang nagustuhan ko dito sa Trinx M800 ay:
- 9-speed na
- naka-Shimano Hydraulic brakes na
Kung iisipin natin, halimbawa Trinx M500 ang bibilihin mo. P6,500 ang halaga niya, at gusto mo siya iupgrade para naka hydro brakes na din:
- P1300 – Shimano non series hydraulic brakes
- P650 – 3×8 shifters
Total : 1950 – almost 2k din ang nagastos mo. Kaya lang 8-speed pa lang yan. Kung gusto mo naka 9-speed na, papalit ka pa ng chain at cogs. At kung wala ka pa makita na thread type na 9-speed cogs, magpapalit ka pa ng hubs, dagdag gastos pa yun.
2k lang ang idadagdag mo sa P6500 na price ng M500, pero yung upgrade nitong Trinx M800 ay sa tingin ko mas sulit. Panalo na din na budget bike itong Trinx M800.
Leave a Reply