Ang dami talagang inilalabas ni Foxter na MTB. Sumikat lang kasi yung FT301 talaga kaya sa tingin ko, kaya sila nagkalakas ng loob maglabas na maglabas ng bagong model.
Itong susuriin natin ngayon ay yung Foxter Evans 3.0 na 2018 version daw.
MTB pa din ito na 27.5 at naka hydraulic na din.
Wala pa din kasing official website itong Foxter, kaya medyo pahirap sa pagkuha ng specs. Asa na lang tayo sa mga naipopost ng mga nagbebenta nito na may fanpage sa facebook.
Foxter Evans 3.0 Specs
Frame: Foxter Alloy 6061 Thick Frame Square Tubing 27.5
Alloy na ang batalya nitong Foxter Evans 3.0. Square tubing ang ginamit. Sabi makapal at heavy duty daw. Size 27.5 naman ang gulong na kasya sa MTB na ito. Internal cabling na din, kaya hindi basta lang kagaya ng sa FT301.
Overall, maganda ang porma ng frame. Hindi ko lang sigurado kung may sizes pa ba ito na mapagpipilian.
Fork: Foxter Suspension with Lock Out
Yung fork naman, ordinary suspension fork lang na may branding din ni Foxter. Mukhang okay naman kahit na coil spring lang, meron na din naman kasing lock out at mataba naman yung tubings ng stanchions.
Handlebar: Foxter Oversize Alloy
Yung handlebar ay alloy, straight lang. Swak sa XC na pormahan.
Stem: Foxter oversize Alloy
Yung stem, alloy din, hindi sobrang haba, hindi din sobrang iksi, sakto lang. May slight angle din kaya pwede mo pa ibaba kung trip mo, pero hindi naman sobrang baba dahil 6 or 7 degrees lang yata yan.
Shifter: Shimano 8 Speed Shimano Altus
8-speed ang nakakabit dito sa Evans. Altus na yung shifter kaya okay na din.
Brakes: Shimano Hydraulic Brakes
Yung brakes naman, buti na lang ay Shimano non-series hydraulic brakes na. Maganda na ito, at least hindi ibang brand na di kilala. Mas may tiwala ako sa hydro brakeset na ito, kahit pinaka mababa pa siya ng Shimano.
Front Derailer: Shimano Tourney
Tourney yung FD, mababa lang pero maganda din naman ang performance.
Rear Derailer: Shimano Tourney
Ganun din sa RD, kahit na Tourney lang siya, wala itong issue sa 8-speed na setup.
Crank: Foxter Steel Triple Chainwheel
Yung crank naman ay Foxter lang. Sayang at hindi man lang naging Prowheel. Steel pa yata yung crank arms at parang kagaya lang ng nasa FT301.
Cogs: Taiwan 8 Speed
Yung cogs naman, walang brand. Basta 8-speed na cogs lang. Di ko alam kung anung teeth mayroon ang sprocket na ito.
Tires: CST Jet 27.5 x 1.95
Common na itong CST tire na 1.95 ang lapad. Hindi agresibo sa trails, sakto lang pang sementadong kalsada at kaya din naman sa mga lubak, off roads, at light trails.
Seat Clamp: Quick Release
Quick release yung seat clamp. Personally, mas trip ko yung hindi quick release. Mura lang naman din kung gusto mo palitan.
Rotors: Shimano Rotor Discs
Shimano na daw yung rotor. Mas compatible yung kesa kung ibang rotors ang gagamitin sa M315 na brakeset, minsan kasi yung ibang rotors mas makapal.
Yun lang. Wala na tayong info sa iba pa tulad ng hubs. Mukhang quick release naman yung hubs. Di lang natin masisiguro kung cassette type na ba ito o thread type pa din. Baka thread type pa nga kasi hindi naman binabanggit.
Verdict
Ang SRP ng Foxter Evans 3.0 ay P9000 sa nakita ko sa Stan13bike. P8899 pa nga siya sa RGC Bike Shop.
Wala masyadong kinaiba sa Foxter FT301, sa unang tingin. Pero kung titignan nating mabuti, iba ang batalya nito. Mas maganda. Kaya kung nagbabalak ka bumili ng Foxter FT301 na MTB, tapos iuupgrade mo din sa hydraulic, sabihin na natin na makukuha mo yung FT301 sa halagang P7000 at gagastos ka din ng P2000 para sa hydraulic brakes at shifters, P9000 din ang magagastos mo doon.
Kaya kung may budget ka na P9000 at ang gusto mo na MTB ay 27.5 at naka hydraulic brakes na, hindi na din masamang choice itong Foxter Evans 3.0. Kaya pala madaming nagrerequest sa akin na i-review ito. Panalo na din kasi.
Hindi ko lang sure kung madaming kulay din ito na mapagpipilian, pero maganda yung style ng pagkakapinta sa kanya.
Edit: Ito pala yung mga kulay na available sa Foxter Evans 3.0
Credits to RGC Bike Shop and Tulang Bikes for the images used in this post.
Leave a Reply