Trinx Climber 1.0 and Trinx Climber 2.0 – Cyclocross


Trinx Cyclocross Bikes

Medyo niche kasi itong cyclocross na bikes. Pansin ko dito, mga galing sa MTB ang naghahanap nito dahil andito yung parang middle line ng mountain bike at road bike. Mga mountain biker na nagsawa na sa trails at gusto naman sa road pero nasanay na sa comfort ng wide tires at sa braking ng disc. Gusto naman naka dropbar, tulad ng mga naka road bike.

Si Trinx Bikes, meron din sila na cyclocross bikes. Trinx Climber 1.0 at Trinx Climber 2.0

Sa post na ito, susubukan natin gumawa ng review nitong dalawang Trinx Cyclocross bikes na ito base sa specs nila.

Trinx Climber 1.0 Review

Nasa P11,400 ang SRP na nakita ko dito sa Trinx Climber 1.0

Ito ang modelo sa dalawa na mas mura at may mas mababang pyesa.

Heto ang specs ng Trinx Climber 1.0:

  • Color : Matt Black/Orange Blue;Matt Grey/Green White;Orange/Grey Yellow;Green/Grey Yellow
  • Frame : 700C*480mm/520mm Alloy Smooth Welding
  • Fork : Trinx Alloy Road
  • Shifter : Shimano ST-A070
  • FD : Shimano FD-A070
  • RD : Shimano RD-A070
  • Cassette : Shimano MF-TZ21 14-28T
  • Chain : Hi-Ten Steel
  • Brake : Alloy Mechanical Disc
  • Wheel Set : HJC Alloy Double Wall
  • Tyre : Cst 700*35C 27Tpi
  • Chainwheel : Prowheel 34/50T*170L
  • Hub : Alloy
  • Pedal : Wellgo Alloy
  • Saddle : Trinx Sport
  • Handlebar : Trinx Alloy Road

via coolstuff168ph

Alloy na yung frame ng Trinx Climber 1.0 cyclocross. May sizes ka na mapagpipilian, size 48 at size 52. 700c yung wheel size, smooth-weld yung frame, at madami din kulay na mapagpipilian.

Yung fork naman, rigid fork na alloy na din.

via coolstuff168ph

Shimano A070 yung mga pyesa nitong Trinx Climber 1.0

via coolstuff168ph

Yung Shifter ay Tourney A070, STI na din ito. 2×7 speed.

via coolstuff168ph

Yung crank ay road setup na compact, 50/34T yung size ng plato. Prowheel brand, at mukha namang alloy na yung crank arms. 14-28T nga lang yung cassette. Medyo mababa sa high at mababa din sa low. Kung ako sa lakas ko lang, baka mabigatan ako i-ahon ito. Hindi ko sure kung cassette type na ba ang sprocket nito, ganun din sa hubs, baka kasi threaded type pa.

via coolstuff168ph

Naka disc brake na itong Climber 1.0. Mechanical disc nga lang. Hindi kasi basta basta nakakapag hydraulic brakes kapag pang road na STI ang gamit. Tektro ang brand ng disc brake calipers.

via coolstuff168ph

Alloy at double wall na yung rims. 700x35c ang size ng tires na nakalagay dito. Karaniwan sa mga CX bikes, ito ang madalas na size ng tires. Hindi mukhang sobrang knobby yung stock tires, kaya sa tingin ko swak ito pang comfortable na road riding.

via coolstuff168ph

Overall porma, okay na okay. Maganda yung handlebar, shallow bend. Okay din yung saddle at seatpost, pati na din yung alloy pedals na Wellgo brand pa.


Trinx Climber 2.0 Review

Nasa P20000 naman ang price na nakikita ko dito sa Trinx Climber 2.0

Medyo malaki na din yung price difference nya sa Trinx Climber 1.0

Mas maganda naman kasi ang mga pyesa nitong Climber 2.0

Sulit ba yung upgrade sa Climber 2.0? Malalaman natin pag nasuri natin yung specs. Heto ang specs ng Trinx Climber 2.0:

  • Color : Matt Grey/Black White;Matt Blue/Blue Green;Red/White Yellow;Blue/White Green
  • Frame : 700C*480mm/520mm Alloy Smooth Welding
  • Fork : Trinx Alloy Road
  • Shifter : Shimano Sora ST-R3000
  • Fd : Shimano Sora FD-R3000
  • Rd : Shimano Sora RD-R3000
  • Cassette : Shimano CS-HG50-9 11-30T
  • Chain : KMC Z99
  • Brake : Shimano R317 Alloy Road Disc
  • Wheel Set : HJC Alloy Double Wall
  • Tyre : Maxxis 700*33C 60Tpi
  • Chainwheel : Shimano Sora FC-3550 34/46T*170L
  • Hub : Novatec Alloy Sealed Bearing
  • Pedal : Wellgo Alloy
  • Saddle : Supra Sport
  • Handlebar : Trinx Alloy Road

Madami din ibang kulay na mapagpipilian dito sa Trinx Climber 2.0

Alloy na yung frame, at may sizes din na 48 at 52. Internal cabling, smooth-weld at 700c wheels din ang kasya.

via LJ Bike Shop

Yung fork, alloy din na rigid.

Hindi ko sure kung may pinagkaiba pa ba sa frameset itong Climber 1.0 at 2.0, parang pareho lang kasi. Kung ganun edi sa mga pyesa lang talaga sila nagkaiba. Ituloy natin.

via LJ Bike Shop

Shimano SORA na ang mga pyesa nitong Climber 2.0. Nakakagulat dahil latest na SORA (R3000) ang nakalagay dito sa Climber 2.0. Maganda na yun, presyo ng road groupset na latest SORA pumapalo ng 10k e.

via LJ Bike Shop

SORA STI na internal cabling, at SORA din yung FD at RD. Mas maganda yung STI nito kumpara sa Tourney na STI. 2×11 ang gearing, at mas madali kumambyo dahil tapik-tapik lang sa brake levers para makapaglipat ng gear. Ganito na kasi ang setup sa mas mataas pa na groupset ng road bikes.

via LJ Bike Shop

Yung cogs naman, 9-speed at 11-30T yung range. Medyo mas high yung high gear niya kumpara sa 1.0 at mas magaan din yung low gear.

Sa crank naman, naka SORA na din. Nakakapanibago sa Trinx ito. Hindi tinipid na Prowheel lang ang ilagay na crank. Syempre mas maganda ito dahil Shimano crank na ito. 46/34T naman ang size ng plato ng crankset na ito. Mas mababa yung bigger chainring kumpara sa 50T ng Climber 1.0 pero para sa akin mas madali itong bilugin ng pidal.

via LJ Bike Shop

Update: 46/34T yung chainring size na nakalagay sa site ni Trinx pero nakikita ko sa iba, naka compact na 50/34T yung SORA crank na nakalagay sa binebenta nilang Climber 2.0. Baka mali lang yung sa site ng Trinx.

Shimano na din yung brand ng disc brake calipers dito sa Climber 2.0. SORA din pala yun na road disc talaga.

Sa wheelset naman, alloy na double wall din yung rims, same lang. Pero sa tires, Maxxis brand na 700x33c naman yung nakalagay. Mas mahal kesa sa CST syempre kasi Maxxis na, 33c lang yung lapad pero mukhang knobby yung tire profile kaya swak din ipang offroad. Novatec hubs naman yung hubs, at sure ka na na cassette type hubs na ito.

via LJ Bike Shop

Sa ibang components like drop bar, stem, seatpost, saddle at pedal, parang same lang sila ng 1.0

Overall, para sa akin, bukod sa porma maganda din ang mga pyesa.

Trinx Climber 1.0 vs Trinx Climber 2.0

Ano ba mas maganda na bilihin, Trinx Climber 1.0 o Climber 2.0?

Kung ako ang papapiliin sa dalawa, dun ka na sa Trinx Climber 2.0. Maganda na kasi ang mga pyesa. Wala ka ng papalitan dito. Kung ito ang bike mo, malamang ang palitan mo na lang dito ay pedal (pag gusto mo mag cleats pedal), gulong (pag gusto mo mag iba ng gulong), bartape (syempre porma at para bago na din pag naluma).

Pero kung ang budget mo ay pang Climber 1.0 lang, hindi na din masamang choice. Pwede mo pa din naman itong i-upgrade na kapantay o higit pa sa mga pyesa na meron ang Climber 2.0. Kaya lang sa tingin ko, kapag bumili ka ng Trinx Climber 1.0 at naisipan mo ito iupgrade para maging kapareho ng sa Climber 2.0, mas mapapalaki ang gastos mo. Groupset, brake calipers, at hubs ang kailangan mo bilihin kasi.

Hindi pa ako nakasubok sumakay sa Trinx Climber CX bikes, pero meron din akong cyclocross na bike. Steel frameset nga lang yun, pero enjoy pa din naman ako kahit medyo may kabigatan. Itong Climber ni Trinx ay alloy frameset kaya sa tingin ko mas magaan ito dalhin, lalo na sa ahon.

Masarap din ang naka CX kasi mabilis siya dalhin sa kalsada, kumportable pa i-ride dahil mas malapad ang gulong kaysa sa road bike. Hindi ka masyadong kabado sa mga lubak at off roads.


  •  
  •  
  •  
  •  
    1. Joe ibardolasa April 5, 2018
      • Ian Albert April 11, 2018
        • Rielle April 20, 2018
          • Ian Albert April 24, 2018
        • Jan Elmiro May 25, 2018
        • Jan Elmiro May 25, 2018
    2. makuvinzrara April 19, 2018
    3. Ernie Andrew April 28, 2018
      • Ian Albert April 29, 2018
    4. Rv April 30, 2018
      • Ian Albert April 30, 2018
        • Rv May 1, 2018
    5. marlon ilao May 2, 2018
      • Ian Albert May 4, 2018
    6. lear May 4, 2018
    7. Fred May 14, 2018
      • Ian Albert May 15, 2018
    8. Chester Dojoles May 17, 2018
      • Ian Albert May 18, 2018
    9. Jan Elmiro May 25, 2018
      • Ian Albert May 25, 2018
    10. Gerald May 30, 2018
    11. popong June 3, 2018
      • Ian Albert June 7, 2018
    12. Julius June 16, 2018
    13. gelo June 18, 2018
      • Ian Albert June 18, 2018
    14. coco martin garrix August 10, 2018
      • Ian Albert August 19, 2018
    15. Marco August 27, 2018
      • Ian Albert September 4, 2018
    16. Eliazar Calanoc October 25, 2018
      • Ian Albert November 12, 2018
    17. Nino November 14, 2018
      • Ian Albert November 20, 2018
        • Eugene December 18, 2018
          • Ian Albert December 20, 2018
            • Eugene March 16, 2019
            • Ian Albert March 17, 2019
    18. Angelo December 13, 2018
      • Ian Albert December 20, 2018
    19. Angelo December 13, 2018
      • Ian Albert December 20, 2018
    20. Ryan December 16, 2018
      • Ian Albert December 20, 2018
    21. Chiz December 25, 2018
      • Ian Albert January 23, 2019
    22. Dhave Josh David January 1, 2019
      • Ian Albert January 23, 2019
    23. Mark February 5, 2019
      • Ian Albert March 16, 2019
    24. Makoy March 17, 2019
      • Ian Albert March 18, 2019

    Add Your Comment