Una kong nakita yung Trinx P1000 Elite at yung Trinx P1200 Elite na full suspension bikes ni Trinx sa website nila. Akala ko, ito na yung lalabas na full suspension bikes ni Trinx sa market natin dito sa Pinas. Hindi pa pala. Meron pala na mas sure na lalabas na bagong bike si Trinx, yung Trinx Brave 1.1 at Trinx Brave 2.1 na parehas full-sus mountain bikes.
Nai-post lang ito ni sir Carlo sa facebook nya.
Wala pa tayong review, price at specs ng mga to. Wala pa kasi ito sa website ng Trinx e. Pero sa tingin ko, mas mababa ang specs ng Trinx Brave 1.1 at Trinx Brave 2.1 kung ikukumpara sa Trinx P1000/P1200 Elite. Ayos yun, kasi mas abot kaya siguro ito.
Hindi ako extreme MTB guy, hindi ito ang hilig ko na laro sa mountain bike pero kahit ako naeexcite sa balitang ito. May iba na kasi tayong pwedeng mapagpilian na full suspension bike, na mura lang at hindi naman mukhang panget na sasablay agad tulad nung mga available na dyan na mumurahing full-sus bike.
Maganda yung porma nung parehong bike. Yung Trinx Brave 1.1, sa tingin ko mas mababa ang specs kung ikukumpara sa Trinx Brave 2.1. Kita ko na Shimano Altus yung rear derailleur niya, yung sa Brave 1.1, hindi ko masyado makita ng maayos. Shimano na din yung crank, kaya okay na okay. Suntour XCM na din yung fork, hindi na din masama.
Parang tuloy gusto ko na din ng ganito. Ang angas kasi ng porma. Sarap siguro nito ipang-laro sa trail. Yung rear shock, hindi mukhang ordinary lang na coil e.
Huhulaan ko lang ang presyo nito, maaring mali ako pero siguro nasa P20k ang starting price nito. Sa presyo na yun, mura na ito. Pero baka maaring mas mahal pa nga doon. Sa presyo ng mga full suspension bike na branded, gasino lang yun, pero Trinx to e, maari natin i-expect na mas mababa ang presyo nito kumpara sa mga mas kilalang brand ng bike.
Kung sakaling nasa below P20k yung Trinx Brave 1.1, aba panalong panalo na yun. Ang dami ko nakikita na interesado sa full suspension bikes, dahil sa porma, hindi dahil sa laro, magandang choice na itong Trinx Brave full-sus pag nagkataon.
I-update na lang natin itong post na ito kapag may bago tayong impormasyon tungkol dito sa full suspension bikes na Trinx Brave 1.1 at Trinx Brave 2.1.
Ikaw, trip mo ba itong full-sus bikes ni Trinx?
[alert-note]Photo credits to sir Carlo P. Carlon[/alert-note]
Update:
Salamat sa kapadyak natin na si David Batenga.
Trinx Brave 2.1 Specs:
- Shimano Deore M615 groupset
- Suntour XCR Fork
- Raidon air shock, Spesh FSR type suspension
Trinx Brave 1.1 Specs:
- Shimano Altus groupset
- Suntour XCM fork
- SR Duair shock, BMC style suspension
Leave a Reply