Nagpa-powdercoat kami ng bike sa Republic


Para naman magkaron ng proteksyon sa kalawang yung bago naming custom-made steel frames na gawa ni mang Ave Maldea, napagdesisyunan namin na ipa-powdercoat ito. Republic Powdercoating ang isa sa mga sikat na pangalan kapag nagtanong ka kung saan maganda magpa powder coat. Buti at meron silang branch sa may Antipolo kaya malapit lang sa amin.

Sabi nila, mas maganda daw kung sa pintor dadalhin, o di kaya sa nagpipinta din ng mga auto. Anzhal daw ang magandang gamitin, meron pa sabi ng iba, K92, Dupont at iba pa. Kaya lang, medyo mahal ang pagpapapintura ng ganito. Minimum na ang P1000-2000, at kung custom talaga trip mo mas mahal pa.

Dahil di namin balak gumastos masyado sa pagpapapintura ng frame, naisipan namin na magpapowdercoat nalang.

Heto ang price breakdown ng service ng Republic Powdercoating:

  • Bike Frame – P350
  • Fork – P150
  • Total – P500

Mura diba? Ang sabi sa amin ng approachable na si kuya na tao sa Republic Powdercoating – Antipolo, yang presyong yan ay kapag ang bike mo ay “raw” pa lang, o wala pang pintura. Kapag may pintura na daw, mas ok pa daw na dalhin na sa kanila ng “as is”, wag na daw i-strip dahil sila na ang bahala at isa-sandblast nalang nila. Add lang ng P200 para sa frame, same pa din sa presyo ng para sa fork.

Sa halagang P500 ay napapinturahan namin ang aming framesets sa trip naming kulay. Plain nga lang. Pero kesa naman i-DIY namin na gagastos kami sa pintura, or spray-cans na ganun din ang magagastos, etong powdercoating ay hindi pa basta basta madaling natutuklap.

May color swatches ang Republic na pwedeng pagpilian ng kulay. Madaming kulay ang mapagpipilian.

7 days din ang waiting time.

Tinatakpan nila ang mga butas na maliliit sa frame, pati na ang mga may thread. Yung fork, kelangan lagyan nyo ng masking tape yung steerer tube para hindi mabugahan. Yung BB shell naman at head tube, mas mabuti din na kayo na ang mag-mask nito.

Salamat naman at walang naging dents yung frames namin, overall, satisfied ako sa kinalabasan. Di ko lang alam kung hanggang kailan itatagal ng powdercoating na ito sa frames namin, iuupdate ko itong post na ito sa future kung sakali.


  •  
  •  
  •  
  •  
    1. Dc November 29, 2017
      • Ian Albert November 29, 2017
    2. Dc November 30, 2017
    3. Ben November 30, 2017
      • Ian Albert December 11, 2017
    4. Pingback: My Ave Maldea Cyclocross - UnliAhon.com April 2, 2018
    5. Gary Bautista February 4, 2019
      • Ian Albert March 16, 2019

    Add Your Comment