Eto na ang pang anim sa lineup ni Foxter ng mga 27.5 na MTB niya. May nakapagbanggit sa akin na ito na yatang numbered Foxter 27.5 na 1.0 pataas ang currently minamarket na Foxter bikes. Hindi na pala yung mga FT-series. Habang tumataas itong number na ito, mas tumataas ang specs at presyo.
Foxter Vinson 6.0 Specs

Frame: Foxter Alloy
Alloy na yung frame. Walang info kung ano ang sizes na available. Naka-internal cabling na din kaya maganda na.
Fork: Foxter w/ lockout alloy/Stanchion steel
Yung fork naman, Foxter brand pa din. May lock-out din. Pare pareho lang siguro ng fork itong mga Foxter MTB na ito dahil pare pareho lang sila na Foxter branded fork ang gamit. Basta may lock-out na yung suspension, pwede na din.
Headset: Neco
Neco branded yung headset. Hindi ko masabi kung sealed bearing na ba ito. Pero worth mentioning pa din na branded yung headset na nakalagay dito sa Foxter Vinson 6.0
Handle Bar: Foxter Alloy 680MM
Yung handlebar naman, alloy na. Maganda kasi magaan na ito. 680mm ang haba, at straight siya, walang rise.
Stem: Foxter Alloy 80MM
Alloy na din yung stem. 80mm ang haba. Angled din pero maliit lang, siguro mga 7 degrees. Pwede pa din mai-setup sa positive rise at negative na slammed position.
Shifters: Shimano Acera 9 Speed
9-speed ang gearing nitong Vinson. Shimano Acera yung shifters.
Front Derailleur: Shimano Acera
Rear Derailleur: Shimano Acera 9 Speed
Yung FD at RD, parehas lang Acera din. Mas mataas lang nag konti ang Acera kumpara sa Altus. Pero basic level components lang din naman sila ng Shimano, kasama ang Tourney.
Crankset: Foxter Prowheel

Yung crank naman, Prowheel yata. Mukhang alloy na din naman yung crank arms.
Bottom Bracket: Axle Sealed Bearing
Sealed bearing na daw yung bottom bracket.
Rims: Foxter double wall
Double wall na alloy yung rims, maganda na yun.
Tyres: Kenda 27.5
Kenda ang brand ng tires. Size 27.5 ang gulong syempre. Di ko lang alam ang tire width, pero mukhang hindi aggressive, swak lang pang kalsada at tuyong mga off-roads.
Hub: Foxter Front and Rear Alloy w/ Quick Release
Alloy na daw yung hubs, at parehas na quick release. Mukha namang bolt type pareho ang kabitan ng rotors. Sa tingin ko, cassette type na ang hubs nito dahil wala naman yatang thread type na 9-speed.
Freewheel: ATA 9Speed
Cassette type na yata ang cogs na ito. Di ko lang alam ang ratio dahil walang posted sa internet. Siguro 11-32t.
Brakes: Shimano Hydraulic

Shimano hydraulic disc brakes ang preno. Okay yun kasi at least Shimano ang ginamit.
Seatpost: Alloy 27.2
Alloy na yung seatpost, 27.2mm ang diameter.
Seatclamp: Quick Release Alloy
Naka quick release na din yung seat clamp. Hindi ko lang makita sa pictures kung magandang klase na ba.
Saddle: Foxter
Foxter yung saddle, mukhang maganda naman ang pagkakagawa.
Cable: Jagwire (Original)
Yung mga cables daw na ginamit, Jagwire brand na orig. Naku, sana lang.
Foxter Vinson 6.0 Price
P11500 nag price ng Foxter Vinson 6.0 na nakita ko. Meron pa sa iba na P12500.
Verdict
Sulit na ba yung Foxter Vinson 6.0? Sa tingin ko sa price nya na P11500, hindi na din masamang choice kasi naka Acera na naman. Maganda na din naman yung frame kasi naka-internal cabling na. Okay din yung design nya, hindi masyadong makulay kasi based siya sa black.
2 years ago, nakabili kami ng bike na halos same lang ng specs dito sa Foxter Vinson 6.0, kaso ang price that time ay nasa P14k pa. Same lang na 27.5, naka hydraulic brakes, at 9-speed na Acera din. Kaya sa tingin ko, sulit na din sa price itong Foxter Vinson 6.0 dahil sa specs niya.
Leave a Reply