1×10 Conversion

From 3x10 to 1x10 MTB setup

Nag convert na ako sa 1x setup.

2 years na din ako gumagamit ng 3x setup sa chainring sa crank kaya ngayon, napag desisyunan ko na na mag 1x setup naman na ako para maexperience ko din.

Sa tuwing nakakakita kasi ako ng mga naka 1x setup, naangasan ako sa porma. Ang linis kasi tignan din.

Umorder ako ng 1x chainring na narrow-wide sa Aliexpress para sa current crankset ko na old model ng Alivio. Wala pa kasi akong budget para bumili ng bagong crankset e, kaya tyaga muna sa lumang crankset. Ito yung link kung saan ko nabili na shop yung chainring na gamit ko:

Sa totoo lang, mas mura pa ito kung bibilihin mo dito sa Aliexpress e, kaysa sa kung bibili ka sa mga online shops sa facebook o sa bangketa sa Quiapo. Nasa P1,200 ang nakikita ko na bentahan dito sa Pinas ng mga chainrings na pang 1x e, dyan sa Aliexpress, nasa P400 ko lang nabili.

Tingin ko kasi, pare pareho lang din naman yung mga nabibiling chainrings na yan e. Same lang na 7075 alloy yung material, iba iba lang din ng brand na nakalagay. Hindi pa nga sikat yung mga brands e, kaya dun na ako sa mura. Kung sakali man na hindi tumagal yung chainring na nabili ko o nasira agad, magkakaalaman.

Wala kasi akong nakita noon sa bangketa sa Quiapo nung naghahanap ako ng 32t na 96bcd para sa Alivio crankset ko. Meron ako nakita Sagmit, pero buti na lang hindi ko binili dahil hindi pala daw yun fit sa Alivio kahit 96bcd na. Siguro, asymmetrical ang chainring na yun, e symmetrical dapat kung para sa 96bcd na Alivio at hanggang sa Deore na M6000.

Bukod sa chainring, bumili na din ako ng chainring bolts na para sa 1x setup, kasi hindi daw pwede gamitin yung stock na chainring bolts e, medyo mas mahaba ng konti yung stock. Mura ko lang ito nabili nung magpunta kami sa Quiapo, sa bangketa ko nga lang din nabili. Meron din nito sa Aliexpress.

Yun lang ang kinailangan ko para makapag convert sa 1x galing sa 3x na setup.

Tinanggal ko yung kadena para matanggal ko din yung front derailleur ko.

Tinanggal ko din yung drive train side ng crank para makalas ko yung mga nakakabit dito na tatlong plato.


Pagkatapos nun, kinabit ko na yung nabili ko na pang 1x na narrow wide chainring sa pwesto ng dating middle ring at ginamit ko na din yung nabili ko na chainring bolts.

Okay na, naka 1x na ako. Ganun lang pala yun kadali.

Sa ngayon, susubukan ko pa i-ride ng i-ride ito. Magkaka alaman pa kung maiiwan ba talaga ako sa patag. Pero ang pinaka inaalala ko talaga dito ay baka mas mahirapan ako sa ahon, pero malalaman natin yan.

Yung chainring ko pala, oval yung binili ko para matesting ko din at maexperience ko din gumamit ng oval na plato. Sabi kasi, mas masarap daw ito padyakin lalo na sa ahon.

Same setup pa din, naka LTWOO A7 na gear set pa din ako dito. Weapon Shuriken naman yung cogs ko na 11-42T.

Kaya lang may issue ako ngayon dito na kapag nag back pedal ako na nasa pinaka malaking cogs yung kadena, nahuhulog ito sa ibang cogs. Ayon sa research ko, dahil ito sa chain line na wala sa ayos. Yun ang kailangan ko pa ayusin. Sinukat ko nga yung distance ng chainline, nasa lagpas 50mm, na ang sabi sa internet dapat daw below 50mm ang layo nung chainring sa may gitna ng frame sa may bandang seat tube.

Kapag may ganitong issue kasi, mas mabilis daw ang chain wear o pagkaluma ng kadena. Susubukan ko muna bukas kung manageable ba na may back pedal issues pag nasa lowest gearing. Pero aayusin ko din ito, titignan ko kung makukuha sa pag adjust gamit ang spacers para mas pumasok o lumapit sa frame yung chainring ko na single.

Meron ba dito ibang naka 1x setup? Kamusta naman ang performance? May issues din ba kayo? Tingin nyo ba pag nagpalit ako ng crankset, mawala yung issue na to?

Kung meron man sa inyo na nais gawin ang ganitong setup at may tanong din kayo, i-post nyo lang sa comments at sasagutin natin yan.

May video ako na ginawa tungkol dito, iuupload ko in the future.

Update ko na lang din ang post na ito sa hinaharap.

I-ride ko muna itong bagong setup ko. So far overall, masarap sa pakiramdam, medyo magkakaalaman pa sa performance.


  • 499
  •  
  •  
  •  
    499
    Shares
    1. Nikko Joson June 8, 2018
      • Ian Albert June 10, 2018
    2. Froilan June 9, 2018
      • Ian Albert June 10, 2018
    3. Simone Nacionales June 10, 2018
      • Ian Albert June 10, 2018
    4. BarryDomagas June 11, 2018
      • Ian Albert June 11, 2018
    5. ryu orcajo June 16, 2018
      • Ian Albert June 17, 2018
    6. Emilio June 22, 2018
      • Ian Albert June 23, 2018
    7. Jaymark July 4, 2018
      • Ian Albert July 5, 2018
    8. jaymark July 5, 2018
    9. Lavender Nastor July 17, 2018
      • Ian Albert July 17, 2018
    10. Lavender Nastor July 17, 2018
    11. Erick July 18, 2018
      • Ian Albert July 18, 2018
    12. Reno July 26, 2018
      • Ian Albert July 30, 2018
    13. Wayne September 17, 2018
      • Ian Albert September 25, 2018
    14. Miles September 21, 2018
      • Ian Albert September 25, 2018
    15. John October 16, 2018
      • Ian Albert October 18, 2018
    16. Ian October 18, 2018
      • Ian Albert October 18, 2018
    17. the_junkshop_bike November 28, 2018
      • Ian Albert December 5, 2018
    18. JOJO GANNABAN December 5, 2018
      • Ian Albert December 5, 2018
    19. Barney December 14, 2018
      • Ian Albert December 20, 2018
    20. Eiji January 6, 2019
      • Ian Albert January 23, 2019
    21. Kiyo January 14, 2019
      • Ian Albert January 23, 2019
    22. Clark Garret Alvarez January 22, 2019
      • Ian Albert January 23, 2019

    Add Your Comment