Trinx N106 Review


Ang Trinx Nana N106 ay isa sa mga lady’s bikes ng Trinx. Nakababa at curved ang top-tube nito para sa mga babaeng riders. Ang SRP nito ngayon ay nasa halos P7000 na lang.

Nagmura na siya ngayon, dati kasi, pumapatak ng P10k ang nakikita kong SRP nito.

Trinx N106 Specifications

Trinx N106 2017

FRAME

  • FRAME: 26″*15.5″ Alloy Special-Shaped Tubes

Bagay na bagay ang Trinx N106 sa mga babae na gusto din magbike. Dahil nakababa ang top-tube nito, at sa size nito na 15.5, kahit hindi matangkad na babae ay makakatayo ng maayos sa top-tube ng bike na to.
Alloy na yung batalya kaya maganda dahil magaan na.

  • FORK: Trinx Steel Hydraulic Suspension Travel:100mm

May suspension fork na din kaya pwedeng pwede din dalhin sa mga off-roads at mountain biking.

COMPONENTS

  • PEDAL: Trinx Sport
  • SADDLE: Trinx Sport
  • HANDLEBAR: Trinx Alloy Small Rise

May rise yung handlebar, mas okay yun kesa kung straight bar kasi less aggressive yun at mas kumportable i-ride.

DRIVETRAIN

  • SHIFTER: Shimano ST-EF500

Combo shifter ang shifters nitong N106, Shimano, kaya okay na din. Madali gamitin. 3×7 ang gearings.

  • FD: Shimano FD-TZ30

Tourney yung FD.

  • RD: Shimano RD-TZ50

Tourney din yung RD kaya maganda na, kahit na pinakamababa ng Shimano ito, mas reliable ito kesa naman kung hindi pa Shimano ang fd, rd, at shifters.


  • CHAIN: KMC
  • BRAKE: Trinx Alloy Mechanical Disc

Yung brakes, hindi pa naka-hydraulic, naka-mechanical pa. Okay lang din pang beginner, mas madali pa nga i-adjust yung tigas at lambot ng levers kumporme sa trip ng rider.

WHEELS

  • CASSETTE: Shimano TZ21 14-28T

14-28t naman yung 7-speed na cogs. Threaded type to panigurado. Medyo mababa yung high-speed nya kumpara sa 11t ng iba, pero siguro inisip ng Trinx na babae ang market ng bike na ito, kaya hindi naman kailangan ng masyadong mabigat na gear. Kaya lang 28t lang yung pinaka-low nya, medyo mahirap ito sa ahon na sobrang tarik, baka inisip uli ni Trinx na kung papadyak dun ang may dala nito, mas mabuti pa magtulak. Ewan natin.

  • RIM: Trinx Alloy Double Wall

Alloy na yung rim at double wall na. Mas magaan at matibay kesa sa single wall.

  • TYRE: CST 26″*1.95″ 27TPI

1.96 naman yung tires na CST brand, hindi aggressive yung knob profile ng tires na ito, sakto lang sa paved roads at sa mga off-roads, makapit na din.

  • CHAINWHEEL: Trinx 24/34/42T*170L

Tatlo yung plato sa unahan, bakal lang yung crank.

  • HUB: Trinx Sealed Bearing

Sealed bearing na daw yung hubs, bolt-type yung kabitan ng rotors, thread type pa din.

Verdict

Kung meron ka kilala na naghahanap ng low-budget MTB, na babae, at hindi katangkaran, hindi na din masama na choice itong Trinx N106. Basic lang yung parts niya, kagaya ng sa lumang M136, pero yung frame niya ay tamang tama lang sa babae.

Ang tendency kasi kapag babae na nayaya mag bike, at baguhan pa lang din, gusto nila mababa yung upuan para abot nila yung lupa kahit nakaupo sila. Kailangan tuloy isagad ang upuan na nakababa, pero nasasacrifice nito yung tamang pag-pidal, mahihirapan ang tuhod, dahil mali yung porma ng katawan.

Pero kung ang frame ay di kalakihan, di kailangan ibaba ng sobra ang upuan, hindi na din matatakot bumaba sa upuan papuntang top-tube ang rider kapag kailangan nitong ilapag sa lupa ang paa nila dahil nga nakababa na yung top-tube.

Okay din kung ipa-testing muna sakyan ang MTB na may regular na porma, baka kasi keri lang din na ganun at no need na ng lady-specific frame, sa ganung pagpili mas makakakuha pa ng mas magandang specs sa parehong budget.


  •  
  •  
  •  
  •  
    1. AiSy December 5, 2017
      • AiSy December 5, 2017
        • Ian Albert December 11, 2017
    2. Kath January 23, 2018
      • Ian Albert January 23, 2018
    3. Katrina May 2, 2018
      • Ian Albert May 4, 2018
    4. Lanie May 18, 2018
    5. Reg February 12, 2019
      • Ian Albert March 16, 2019
    6. Venjielyn March 8, 2019
    7. Lala February 6, 2020
    8. Jana July 5, 2020
    9. Danica July 28, 2020

    Add Your Comment