Trinx Drive 1.0 Review


Medyo matagal na din sa draft ko itong Trinx Drive 1.0

Nabigla ako sa presyo nya, nasa P18,000 pala ang bentahan nitong Trinx road bike na ito.

Para sa kumpletong specs, click here: Trinx Drive 1.0 Specs

Isang mabilisang review na lang, para dito sa Trinx Drive 1.0

Nung hindi ko pa naichecheck ang price nitong Trinx Drive 1.0, expected ko dito nasa below P15k lang ito dahil 1.0 na model pa lang ito, at alam kong may Drive 2.0 at Drive 3.0 pa na paniguradong may mas mataas na pyesa kaya mas mahal. Pero, P18,500 na pala agad ang presyo nito.

via LJ BIKE SHOP Malolos

Maganda ang porma ng batalya, maayos din ang kulay at designs nito. May sizes ka na mapagpipilian, bagamat size 48 at size 52 lang, halos katumbas na nito ay small at medium lang.

Aluminum yung batalya, na triple butted na at naka smooth weld. Siguro kaya medyo may kamahalan itong road bike na ito, dahil siguro magandang klase na din ang pagkakagawa dito sa frame.

via LJ BIKE SHOP Malolos

Idagdag mo pa na carbon na din yung fork. Dahil dito, naging mas magaan yung bike kumpara kung naka alloy o bakal na fork pa na madalas makikita mo sa mga mas murang road bikes.

via LJ BIKE SHOP Malolos

Legit na Shimano Claris ang STI nito, pati yung FD at RD. Mas okay ito kesa Tourney na grupo. Medyo mas mataas kasi ang antas nito kaysa sa Tourney sa mga pyesa ng Shimano. Basic entry-level na pyesa sa para sa road bike kasi yung Claris. 8-speed yun, at ang brake levers nito, may dalawa ka nang pipitikin para mag shift ng gears.

Ganito ang itsura ng Claris STI:

Nakainternal cabling na din yung Claris STI na nakalagay sa Trinx Drive 1.0. Bale yung kable ng shifters ay nakatago sa ilalim ng bar tapes para sa mas malinis na porma.

8-speed na 11-25t ang gearing ng cogs sa Drive 1.0


via LJ BIKE SHOP Malolos

Ganyan naman karaniwan sa top speed ng mga bikes, yung 11T din, sa light gearing naman, common lang din sa mga road bike ang 25T. Kaya lang, dahil 8-speed lang itong cassette na ito, ramdam mo dito ang talon ng bigat o gaan ng gearing kahit na isang shift ka pa lang, pataas man o pababa.

Sa brakes naman, may narinig ako na nabanggit ng mekaniko sa amin tungkol sa road brake na Tektro brand, particularly sa mga Trinx road bikes. Sabi, medyo malambot daw ang spring ng Tektro brake. Hind ko alam kung totoo nga, o isolated case lang, at nabanggit lang para lang may mai-jamming.

via LJ BIKE SHOP Malolos

Prowheel brand nga lang yung crank, sobra na siguro kung hihiling pa tayo ng Shimano crank, na kahit Claris din man lang. Medyo may kamahalan din kasi talaga ang road components, kumpara sa presyuhan ng mga pyesa na pang MTB.

Sa crank, wala ka ng choice sa 170mm na haba ng crank arm at sa 52/42T na laki ng plato unless palitan mo yung crank ng bago. Mukha namang alloy yung crank sa picture, hollowed na din yung sa bottom bracket at mukha ding magaan ang timbang. Pero para sa akin, sa lakas ko, mabigat na para sa akin padyakin ang setup na 52/42T chainrings at 11-25t na cogs lalo kung ahunan na.

via LJ BIKE SHOP Malolos

Alloy na double wall na din yung rim. Di ko alam kung ilang holes. Fastace naman yung brand ng hubs, wala akong alam sa hubs na ito, pero sabi sealed bearing naman na daw. 700c syempre yung size ng gulong, Maxxis Sierra ang tires, na 700x25C.

Sa ibang aspeto naman, gaya ng handlebar, stem, seatpost, at saddle, mukhang magandang klase din naman yung nakakabit sa kanya. Pang road talaga yung porma ng saddle. Hindi din ganoon kasobrang baba ng stem, maaari mo pang i-adjust depende sa preference mo. At higit sa lahat, okay na okay yung klase ng drop bar na kasama sa build ng Drive 1.0 para sa akin, hindi masyadong malayo ang reach at drops. 410mm nga lang yata yung size ng drop bar na available para sa built bike na ito.

Sulit ba siya sa P18,000?

Mahirap sagutin. May isang shop ako nakita, nasa P16500 sa kanila, naka promo price nga lang.

Karaniwan kasi sa mga budget road bikes na pwede mong mabili, minimum budget mo na dun P9k pataas. Ang issue nga lang doon, hindi pa yun naka STI na shifters.

Hanggang P13k siguro yung ibang model ng Trinx na naka STI na, pero Tourney naman. Bale konting dagdag lang, naging Shimano Claris naman yung basic na drivetrain components.

Kung ako sayo, bibilihin ko lang itong Trinx Drive 1.0 kapag lahat to check sayo:

  • Kung P18k lang ang budget mo, at may budget ka naman talaga
  • Road bike talaga ang gusto mo
  • Kung may size na swak para sayo
  • Kung trip mo ang kulay
  • Kung okay sayo yung crank arm length, chainring sizes, at cassette ratio

Kasi kung hindi:

  • Kung more than P18k naman pala ang willing mo gastusin para sa bago mong road bike, madami pang ibang choices, kaya lang mas mahal na at mas maganda ang pyesa, pero ibang brand na din nga lang.
  • Kung wala ka naman palang budget, may mga road bike pa na mas mura dito.
  • Kung naguguluhan ka pa din pumili kung road bike ba o MTB, tignan mo ang kundisyon ng daan sa inyo. Suitable ba para sa road bike? Saan nagriride ang trop mo? Anong gamit ng karamihan sa grupo mo?
  • Kapag walang size, nako di pwede yan sa road bike. Di tulad ng MTB, pagdating sa road bike, kailanga sakto talaga ang sukat nito sayo dahil ang road riding ay medyo sensitibo sa fit ng bike. Dahil kung mali ka ng size, maari kang makaranas ng patuloy na pagsakit ng ibat ibang parte ng katawan, at injuries na din dulot ng pag bibike.
  • Sa issue naman sa crank, kung di ok sayo pero balak mo na palitan na lang ito sa future, walang problema doon,

Hindi din ako eksperto sa road bikes, kaya maaaring may mga mali sa mga nasabi ko.

Ikaw, tingin mo sulit ba yung Trinx Drive 1.0?

Meron ka ba nitong bike na ito? I-share mo naman ang experiences at review mo dito.


  •  
  •  
  •  
  •  
    1. Cedric February 4, 2018
      • Ian Albert February 9, 2018
      • kei ian c. ibanez July 19, 2018
        • Ian Albert July 20, 2018
    2. Jay Greg Colonia February 5, 2018
    3. Bike newbie February 6, 2018
      • Ian Albert February 9, 2018
    4. MT March 1, 2018
      • Ian Albert March 2, 2018
    5. Nalla Lipio March 17, 2018
      • Ian Albert March 23, 2018
    6. Ecag Jones March 19, 2018
      • Ian Albert March 23, 2018
    7. Neil Seno April 11, 2018
      • Ian Albert April 13, 2018
    8. john April 15, 2018
      • Ian Albert April 24, 2018
    9. Ax April 26, 2018
      • Ian Albert April 28, 2018
    10. marc eduard belalo June 2, 2018
      • Ian Albert June 7, 2018
    11. Ferdinand ilagan July 16, 2018
      • Neil Seno August 21, 2018
        • Ian Albert August 22, 2018
      • Neil Seno August 21, 2018
        • Ian Albert August 22, 2018
      • Neil Seno August 21, 2018
    12. Ferdinand ilagan July 16, 2018
      • Ian Albert July 17, 2018
    13. Ferdinand ilagan July 16, 2018
    14. Fred July 18, 2018
      • Ian Albert July 18, 2018
    15. Freidrick July 18, 2018
      • Ian Albert July 18, 2018
        • Freidrick July 18, 2018
          • Ian Albert July 18, 2018
    16. Ferdinand ilagan July 22, 2018
      • Ian Albert July 24, 2018
    17. Japh August 1, 2018
      • Ian Albert August 3, 2018
    18. Neil omandac August 8, 2018
    19. Allan Paulo De Guzman December 2, 2018
      • Ian Albert December 5, 2018
    20. Arielle Dave L. Ramos April 14, 2019
    21. NenieConz May 31, 2019
    22. Jeremy Delgado July 20, 2019
    23. francis luigie January 26, 2020
    24. Joseph Alan Quiteles April 15, 2020

    Add Your Comment