Trinx C290 Review


Bago sa akin itong Trinx C290. Wala siya sa official website ni Trinx, siguro ay hindi pa yun updated. Akala ko nga, C200 lang ito na kinabitan ng mga sellers ng hydraulic brakes para bumenta uli yung model. Pero hindi pala, meron pala talagang Trinx C290.

Dun sa frame, C290 talaga yung nakaprint. Hindi natin maikakaila na Trinx C200 pa din ang base model nito. Ang SRP nito ay P7,500. Yun na ang pinaka mura kong nakita. Naging mas mura pa sya kesa sa unang labas ni C200.

Dahil wala pa nito sa website ni Trinx, ang specs nito ay ibabase lang natin sa info galing sa mga sellers nito.

Trinx C290 Specs:

Frame: Cag Alloy AL6061 Frame

27.5 ang gulong na fit sa frame nitong C290. Alloy na din yung frame. Sa geometry, kagayang kagaya lang talaga ng C200. Hindi nalalayo sa style ng frame ng Majestic series ni Trinx. May nakaprint din na Big7. Indicator siguro na 27.5 yung frame.

Fork: Trinx with LOCK OUT

Ordinary fork lang ni Trinx na may lock-out. Kagaya lang ng nakalagay sa Trinx M500. Hindi ganun kagaan yung fork pero hindi na din masama. May lock out na kaya pwede mo i-lock yung suspension kung ayaw mo na may play. Coil spring ang fork na ito, at halos steel ang materials kaya may kabigatan.

Shifter: Shimano Altus 8 Speed Shifter

Dahil naka-hydraulic brakes na itong C290, hindi na pwede sa kanya yung combo shifter na makikita mo sa M136 or sa M500. Kailangan na bukod na shifter na, buti na lang at Shimano shifter ang nilagay. Yung 8-speed na Altus shifter ang common na choice dito. Maganda naman ang pitik ng shifters na ito, at may indicator pa ng kung nasaang gear ka naka-shift.

Brakes: X-Spark Hydraulic brakes

Bago din sa akin ang brand na X-Spark. Wala din ako mahanap na mas detalyadong impormasyon tungkol sa brakes na ito. Ang porma nya, parang kagayang kagaya ng Tektro Auriga hydraulic brakes din. Baka rebrand lang ito ni Trinx. Ok naman ang performance ng ganitong brakes, gamit ko yun dati halos isang taon sa madaming rides. Ngayon, nakakabit pa din siya pero sa iba ko ng bike.

Ang kagandahan kasi kapag naka-hydraulic brakes ka sa MTB, hindi mahirap pigain ang brakes. Mas ramdam mo pati ang lakas ng kapit ng preno, mas madali din i-modulate o i-feather ang pagpreno, para mas may kontrol ka sa pagbabawas ng speed mo habang bumubulusok ka.

Front derailleur: Trinx

Trinx yung FD. May sticker e, na nakalagay “Trinx index system”. Curious ako kung ano ang nasa ilalim ng sticker, baka makita dun kung sino talaga ang original na maker ng FD na ito.

Chainwheel: Trinx Triple


Trinx din yung crankset. Hindi Prowheel. Judging sa itsura ng crank, palagay ko ay bakal ang crank arms.

Cogs: Shimano 7 Speed

Yung cogs naman 7 speed. 7-speed pala yung cogs, kung sabagay ganun din naman yung sa C200. Pero pwede naman kahit 8-speed yung shifters. Kung 7-speed lang yung cogs, matic na thread type yung hubs nito. Kaya kung may balak ka iupgrade dito, yung hubs kailangan mo palitan ng cassette type tapos magpalit ka din ng cassette type na 8-speed cogs. Ready na yung shifter mo para sa 8-speed.

Rear derailleur: Shimano TZ

RD naman nito ay Tourney. Maganda ang performance nito kahit nasa low-end siya ng Shimano groupsets. 7-speed at 8-speed kayang kaya niya.

Tires: Kenda 27.5

Kenda na yung tires at hindi CST lang. Mas ok na itong Kenda brand, mas maganda. Hindi din sobrang aggressive ng knob profile ng tires na ito kaya balanse lang siya na maganda gamitin pang offroad at pang sementadong kalsada.

Rims: Trinx Doublewall

Alloy na yung rims pero generic Trinx rims lang din. Wala naman issue dito dahil sa lahat ng kakilala ko na may Trinx na MTB, wala pa ako nabalitaan na pumalyang stock rims.

Yun lang, yan lang ang specs na meron tayo. Ang iba pang obvious na specs nitong Trinx C290 ay disc-brakes, low-rise na handle bar, walang bar-end grips, bagong saddle at seatpost, quick release na seatclamp, quick release na hubs, at integrated head tube.

Tatlong kulay pa lang yung nakita ko sa C290.

  • Red Black na may White
  • Blue Black na may White
  • Yellow Black na may White

Verdict

Sa presyong P7500, hindi na masamang choice ang Trinx C290. Dahil kung ang gusto mo ay 27.5 na MTB, halimbawa Trinx C200 na tig P7000 (presyo nya ngayon) at iuupgrade mo sa hydraulic (nasa P1500 ang non-series Shimano hydraulic brakes at P600 naman ang 8-speed Altus shifters) lalagpas pa ng P9k ang gastos mo. Ganun din kung Foxter FT301 naman ang iuupgrade mo. Iba din ang specs nito sa C200. Kenda na ang gulong nito samantalang CST lang yung sa C200.

Sa tingin ko, sa paglabas ni Trinx ng model na C290, wala ng dahilan para bilihin pa yung C200. Iwan na iwan na kasi sa specs yung C200 e, kahit sa M500 pa na 26er lang at mas mura pa. Kung naghahanap ka ng affordable na MTB, magandang choice na din ang Trinx C290. 27.5 na yung gulong, naka hydraulic brakes na at ready na iupgrade sa 8-speed kung sakaling balakin mo o kapag bumigay at naging palitin na yung stock hubs.

Salamat sa stan13bike para sa mga pictures na ginamit sa post na ito. Sa kanila din galing yung specs at price ng Trinx C290.


  •  
  •  
  •  
  •  
    1. jerald November 7, 2017
      • Ian Albert November 8, 2017
        • jerald November 8, 2017
          • Ian Albert November 10, 2017
        • Mikhail Nixon Arquillano December 26, 2017
          • Ian Albert December 29, 2017
    2. J November 8, 2017
      • J November 8, 2017
        • Ian Albert November 8, 2017
          • J November 9, 2017
            • Ian Albert November 10, 2017
      • cj November 22, 2017
        • cj November 22, 2017
    3. Louie November 30, 2017
      • Ian Albert December 11, 2017
    4. Sarah December 6, 2017
      • Ian Albert December 11, 2017
    5. Louie December 10, 2017
      • Ian Albert December 10, 2017
        • Louie December 11, 2017
    6. Lord michael December 11, 2017
      • Ian Albert December 13, 2017
    7. Zeus Soto December 14, 2017
      • Ian Albert December 18, 2017
    8. andrew December 19, 2017
      • Ian Albert December 21, 2017
    9. michael December 21, 2017
      • Ian Albert December 29, 2017
        • Jhonrey April 7, 2018
    10. Lowin January 16, 2018
      • Ian Albert January 18, 2018
    11. Jhayr January 19, 2018
      • Ian Albert January 21, 2018
    12. Deo January 24, 2018
      • Ian Albert February 1, 2018
    13. Sebastian Custodio January 24, 2018
    14. cj January 25, 2018
      • Ian Albert February 1, 2018
    15. Norbing January 27, 2018
    16. trinx February 3, 2018
      • Ian Albert February 9, 2018
    17. Jomz February 28, 2018
      • Ian Albert February 28, 2018
    18. Patrick March 18, 2018
    19. Wycoff March 24, 2018
      • Ian Albert March 27, 2018
    20. Mix March 27, 2018
      • Mix March 27, 2018
        • Ian Albert March 27, 2018
      • Ian Albert March 27, 2018
    21. Mix March 28, 2018
      • Mix March 28, 2018
        • Ian Albert March 28, 2018
      • Ian Albert March 28, 2018
        • Mix March 29, 2018
          • Ian Albert April 1, 2018
    22. Jao March 29, 2018
      • Ian Albert April 1, 2018
        • Aaron Bongais April 6, 2018
    23. Pingback: Foxter Powell 1.0 Review - UnliAhon.com April 2, 2018
    24. Aaron Bongais April 6, 2018
      • Ian Albert April 11, 2018
    25. Jhonrey April 7, 2018
      • Jhonrey April 9, 2018
      • Ian Albert April 10, 2018
    26. Jhonrey April 7, 2018
      • Ian Albert April 10, 2018
    27. arvin April 11, 2018
    28. R May 1, 2018
      • Ian Albert May 4, 2018
    29. Tyrone May 14, 2018
      • Ian Albert May 15, 2018
        • Tyrone May 15, 2018
    30. Rolly May 19, 2018
      • Ian Albert May 19, 2018
    31. Vincent May 22, 2018
      • Ian Albert May 23, 2018
    32. BRYAN de Castro October 24, 2018
      • Ian Albert October 25, 2018
    33. Pingback: Trinx M610 (2018) - UnliAhon.com November 14, 2018
    34. Charles David Bernido February 10, 2019

    Leave a Reply to Rolly Cancel reply