Nakita ko din ng personal itong bagong bike from Trinx. Full suspension na, at dahil kilala natin si Trinx na hindi over kung magpresyo sa mga bikes, maari nating i-expect na ito na ang magandang low budget full suspension bike na hindi naman talo sa quality ng batalya at mga pyesa.
Hindi ko pa masabi kung kamusta ito kung gagamitin sa aggressive riding discipline talaga. Pero tingin ko, swak ito sa mga naghahanap ng ganito ang porma ng bike pero hindi naman din balak gamitin sa enduro o downhill.
Hindi ko pa din sure kung ano ang eksaktong specs ng Trinx Brave 2.1 full suspension, pero sa mga pictures na to, pwede kayo magka idea.
Maganda yung porma ng upuan. Hindi mumurahin tignan. Okay din na UNO brand ang ginamit na seatpost para dito. Hindi ko pa nga lang alam kung ano ba ang size ng seatpost nitong Trinx Brave 2.1. Kita din natin na aggressive ang tire pattern nito, swak na swak pang trails.
Neco brand yung headset. Naka short stem na din na swak din para sa ganitong klase ng bike. Short stem talaga ginagamit para sa mas malaking leverage sa handling ng bike. Yung handlebar, UNO brand na din.
Tapered na yata yung head tube ng Trinx Brave 2.1, hindi ko lang sure pero parang tapered na nga. Mas maganda yun kasi sa mga mas high end na bike talaga, mga naka tapered na ang head tube.
Yung hand grip ng Trinx Brave 2.1, may lock-on. Karaniwan sa mga murang budget bikes, hindi lock-on ang style ng mga hand grips. Para sa akin, mas ok yung lock on.
Sa pyesa naman, yung shifters ng Trinx Brave 2.1 ay Shimano Deore na. 10-speed ang setup nito. Yung preno naman, hydraulic disc brake na pero Shimano non-series lang. Okay na din, di na masama.
Porma, pintura, at details sa design ng frame, pasado para sa akin. Maangas ang dating, malinis pa din tignan. Maganda din ang coordination ng kulay.
Suntour XCR naman yung fork. Ito na yung pinakamaganda sa XCT o XCM na fork ng Suntour. Para sa akin, maganda na din na ito yung fork kaysa Trinx fork lang. Mas nakakasigurado kasi tayo dito na kayang kaya nito ang laspagan ng trails.
Kenda Nevegal naman yung tires. Medyo knobby ang profile na sakto lang para sa pag gamit sa off-roads at trails. Hindi ko lang sure kung ito ba yung 2.20 o 2.35 na lapad ng Nevegal tires.
Wala talaga ako masyadong alam pagdating sa full suspension bikes dahil hard tail user lang naman ako. May nagtimbre lang sa akin na Suntour Raidon air shock at FSR type suspension na nasa Specialized bikes ang gamit nitong Trinx Brave 2.1.
Shimano Deore na 10-speed ang rear derailleur. Sa range ng cogs, di ko pa lang sure pero siguro nasa 11-32T. Upgradeable pa din naman yun sa mas mataas na cassette kasi Deore rd naman yan at naka cassette type hubs na din.
Prowheel Ten yung crank. Ganyan yung napapansin ko na crankset sa mga 10-speed na bikes. Okay din kasi hollowtech na. 3x ang setup nitong Trinx Brave 2.1. Hindi ko lang 100% kung pwede ba na maiconvert sa 1x ang Prowheel Ten crank, parang oo kasi, pero kung oo, mas maganda.
Hindi ko na kasi pinababa yung bike, pero satisfied naman ako dahil nakuhanan ko pa din ng mga pictures kahit papaano. Meron na tayong idea sa mga pyesa na nakakabit sa Trinx Brave 2.1. Hintayan na lang kung kailan ito magiging available sa mga Trinx bike dealers at kung ano ang magiging presyo.
Sa price naman, hindi pa din natin alam yan. Pero estimate ko dito, hindi ito aabot ng 30k, sana nga ganun ang kalabasan. Kasi sa mga bikes ni Trinx na naka Shimano Deore na pyesa, nasa 20k+ lang yun. Pero ito kasi, full suspension na ang batalya kaya siguro medyo mas mahal dun yung cost ng pagkakagawa sa frame ng Trinx Brave 2.1.
Interesado ka ba dito sa Trinx Brave 2.1 full suspension? Magkano ang expected na price mo para sa bike na ito? Tingin mo kaya maging patok ang bike na ito? Tara pag-usapan natin yan sa comment section sa baba.
Leave a Reply