Isa sa mga naging patok na choice ng budget mountain bikes itong Trinx B700. Hindi man siya pasok sa budget na P10k pababa, pero sa may budget na P15k pababa, isa ito sa magandang choice na din na MTB.
Lagi ko itong recommended sa mga nagtatanong na may ganyang budget.
Nakita ko din ang bike na ito ng personal. Namangha ako sa ganda at angas ng dating nito. Kahit hindi sobrang high-end ng mga pyesa na nakalagay sa kanya, which is understandable naman dahil sa price point nya, yung batalya at fork kasi sulit na sulit na.
Pwede na pang matagalan ang bike na ito, mas lalong gaganda pa kung iuupgrade mo ang mga pyesa sa future. Kumbaga, hindi sayang ang upgrade na gagawin kasi nga, maganda nga ang frame.
Pumunta ako sa CPC Mega Bike Zone at binigyan nila ako ng chance na suriin ang display model nila na Trinx B700.
Air-type na daw ang fork nitong Trinx B700. Kahit made by Trinx lang yung fork, medyo maganda na din naman ang quality nun dahil gumagawa naman talaga si Trinx ng bike forks.
Mas maganda ang air fork kung ikukumpara mo sa coil-spring type na suspension forks. Mas magaan at mas maganda ang laro. Mas ramdam mo ang galaw ng suspension.
Iba din ang porma nitong fork ng B700, nasa likod yung arch. Sa pagkakaalam ko, aesthetics lang ito, ganito din ang style ng mga fork sa Manitou brand. May kulay yung stanchions na tulad ng sa porma ng Fox forks. Pansinin din, pero complementing din naman sa overall colorway ng B700.
May rubber na nagsisilbing travel indicator, para madali mo malaman kung hanggang saan ba lumalaro yung fork.
Overall porma ng frame, maganda para sa akin kung ako ang tatanungin. Parang ganito na din yung sa mga high-end frames ng mga mas malalaking brands. Di na nalalayo. Maganda din yung naisip na style sa paint job, matt black tapos accents na lang ng kulay. Simple lang pero maangas ang dating.
Nung nakita ko ito ng personal at nahimas, napa wow na lang din talaga ako. Di ko akalain na pwede pala magkaroon ng ganitong kagandang bike sa murang halaga. Yung porma ng tubings, yung style ng welding, overall, isa lang masasabi ko: maganda.
Maganda din yung porma ng drop out. Hindi mukhang bibigay basta basta.
Naka hydraulic disc brakes na itong Trinx B700.
Joy ang brand ng skewers na quick release.
May bosses para sa rear rack o di kaya naman full-length fenders na din.
Novatech ang brand ng hubs, sa harap at sa likod. Quick release ito at bolt-type na. Cassette type na din ito. May kaunting tunog pag nag freewheel, pero hindi naman kalakasan. Pang matagalan mo na din itong hubs na ito, dahil kilalang kilala na ang Novatech brand pagdating sa hubs.
11-32T ang range ng cassette, sapat na ito para sa rektahan sa patag at sa swabeng ahunan. Pero dahil cassette type naman na ang hubs ng Trinx B700, madali mo din naman ito mauupgrade kung gusto mo magpalit ng cassette sprocket na may mas malaking range, kung nabibitin ka lang sa ahon gamit ang 32T.
Pero kahit hindi mo na palitan yan, lalaban na yan.
Shimano Altus yung rear derailleur. Pang 9-speed. Ganyan naman talaga ang common na setup, pag naging 9-speed na ang budget bike, Altus na ang nakakabit sa kanya.
Kahit na medyo low-tier itong Altus, okay pa din naman ang performance nito.
Altus din ang front derailleur.
Shimano na yung crank, hindi basta Prowheel lang. Para sa akin, kahit na hindi masyado ramdam ang kaibahan nun, mas okay na Shimano yung crank. Alloy na din ang crank arms nito.
Malaki pa nga ang highs ng crank nito, 44T kasi yung pinakamalaking plato.
Ang ganda talaga ng design ng batalya, ultimo mga maliit na details, binigyan ng atensyon.
Quick release na yung seat clamp. Makikita nyo din dito, may bosses sya para sa mounting ng rear rack o carriers.
Yung style ng seatpost din, magandang klase na din.
Kahi saddle e, maganda para sa akin. Hindi basta basta.
Yung cable routing din sa Trinx B700, maganda ang pagkaka design.
Yung head tube nya mukhang tapered, pero di ko lang kumpirmado kung totoong tapered nga kasi hindi ko na pinabaklas yung fork sa head tube para suriin. Pero kung tapered nga na totoo, lalong mas maganda.
Internal cabling, malinis at mapormang tingnan. Sa downtube na dumadaan yung mga kable ng shifters, papunta sa ilalim ng downtube malapit sa may bottom bracket shell.
Yung steerer tube, medyo mahaba pa kaya may option ka pa kung gusto mo pa bawasan para sa mas aggressive na riding style o hayaan mo na lang para sa mas kumportable at upright na position sa bike.
Ganun din ang stem, saktong haba lang at may angle din na pwede mo i-negative kung nais mo ang ganung setup.
3×9 speed ang setup nitong Trinx B700. May lock-on yung grips kaya mas magandang klase na din.
Naka Shimano na hydraulic brakes itong B700. Kahit non-series lang, ito pa din ang isa sa mga pinaka okay na hydraulic brakes para sa akin.
Syempre may reflectors pa din na kasama sa bike. Nasa sayo naman yun kung tatanggalin mo para sa mas simple at pogi na porma sa bike. Straigh yung handlebar nya, pormang XC talaga.
Size 16 lang yata ang size nitong Trinx B700.
15kg naman ang net weight nitong Trinx B700 bike, hindi ko nasubukang timbangin pero yun ang nakasulat sa tag nya.
Kung ako ang tatanungin, at hindi pa ako nakakabili ng bike, palag na ako dito sa Trinx B700 talaga.
Sa ngayon, medyo mahirap na makahanap ng Trinx B700 na model dahil hindi na ito itutuloy ni Trinx sa mga 2018 models ng bike lineup na ilalabas nila.
Sayang lang, ang ganda pa naman. Pero tingin ko, maglalabas din si Trinx ng katumbas nitong Trinx B700 sa 2018 product lineup nila.
Hi po kuya ian. Alin pong mas magandang beginner bike trinx o foxter? Ano naman po kayang model ang sulit sa budget kong 15k?
Trinx ka na, pero wait mo yung new models kasi sa pagkakaalam ko lalabas na yun lahat this June
maganda na po ba young foxter evans 3.0 27.5er
ok na din yan
Idol p review nmn ng foxter elbrus 7.0..
Bibili ksi ako ng bike.. ponamimilian ko yung elbrus 7.0 or b700
Salamat idol
Hi, kuya Ian. Sa tingin mo, ano ang pinakamagandang bilhin na bike na nasa 16.5k na pricepoint? Thanks!
yung bagong trinx x1 na siguro, wait mo ung Trinx X1 Elite or Trinx X1 Quest
Ano po kaya ang mas maganda na bilihin na mtb 8k budget tnx po
Trinx C520 or Trinx M520
Ano po magandng bike na nasa 15k ang pwede sa off road trails at kalsada ano po mas okay trinx b700 po ba or ryder highjump or ano po recommend nmn po kayu ng maganda
Trinx B700 pero parang mahirap na makahanap nito ngayon, yung Trinx X1 Elite na ang pumalit dito.
Kuya Ian, Beginner po ako budget ko po ah 6,000php… Ano po bang magandang model sakin..of napanood ko na po reviews nyo sa youtube.. Interesado po ako sa trinx.. Ay saan po ba ako bibili ng bike na mapagkakatiwalaan… Thanks po and more power!…
m136 ka na o kaya yung mga keysto na naka 8-speed, magandang choice na dinm keysto at trinx ka lang pumili para di talo sa specs kahit medyo low budget na
Sir Ian,
May idea kna ba magkano price range ng lalbas na X1 elite at x7 elite?
wala pa din e pero tingin ko mas mahal sa base price ni trinx x1
Hi kuya ian balak ko sanang bumili ng mtb 5’2 po height ko anong size po ang bagay sakin
siguro mas maganda kung mag 26er para di ka masyado mahirapan. depende sa budget mo kung anong pasok dyan, yung Trinx X1 siguro maganda na, or kung medyo mas mababa pa ang budget, yung Trinx M610 ok din.
Bagay po kaya sakin 27.5 8.5k po kasi budget ko bilhin ko sana ay foxter Powell ok po ba yun tnx po
bagay yan
Hi kuya ian ano pong mas magandang pang begginer mountain bike trinx po or keysto? Thanks po
Trinx or Keysto, maganda na yan, Trinx din naman ang gumawa ng Keysto bikes, mas mura nga lang.
Sir may alam po ba po kayong online stores na nag bibinta nito
Sir Ian, ano po ba magandang Trinx 29er nah MTB nah nka 10 speed na po at pasok sa under 10k and/or 15k budget?
Sir Ian, ano po bang magandang 29er na at 10 speed Trinx MTB under 10k and/or 15k budget?
Pwede po bang palitan ng manipis na gulong ang foxter lincoln at kung pwede ano pong size
pwedeng pwede, depende sa kung gaano kanipis ang gusto nyo, wag lang sobrang nipis na 25c o 23c tulad ng sa road bikes dahil alanganin na yun sa rims ng pang mtb
Boss ian.. Magandang gabe.. Ask lng ako kung anong magandang trinx mtb ang bagay sa aki ..5″4 ang height ko at nasa 75 kgs ako. Gusto ko sana ay may airfork lockout w/ remote at ok ding pangtrail at mgandang groupset na din(preferably shimano) na nasa 15k hanggang 20k n budget..salamat at more power
Trinx X1 Elite pasok na pasok dyan, pwede din yung Trinx X7 Elite para naka Deore parts na
bro ian pa review naman ng sgm na mga mountain bikes, mga old bikes kasi yun boss.
wala ka na ata mabibili ganun kasi old model na yun pero from Trinx factory din daw yan mga SGM bikes
pa review po ng foxter elbrus
Ano po mas maganda sunpeed rule o trinx b700
mas pipiliin ko b700
maganda na po ba young foxter evans 3.0 27.5er
ok na po yung foxter evans 3.0 27.5ER
Sir, pareview Naman NG Trinx B1000. Thanks.
Good afternoon po sir
pa advice naman po ng sulit ng MTB around 6-7k budget lang po para di ako magkamali ng pagbili at sulit pera ko
maraming salamat po 🙂
Kuya Ian, sana mapansin nyo po ito post ko. ano po masusuggest nyo beginner mountain bike para sa babae. bibili po kasi ako kaso 5’0 lang po height ko… ok na po ba itong trinx B700 ?
sir ian, hanggang anong size ng gulong at rim ang pwede sa trinx b7 700 gusto kong gawin tubeless na. ano po ma-i-suggest nyo na rim at gulong?
thank you po.