Skyline Super 2018 (27.5) Review

27.5 na mura

Nakita ko lang itong Skyline Super MTB, mura pala nito. Okay naman ba kaya ang specs?

Yan ang titignan natin. Limited lang yung impormasyon tungkol sa specs nitong bike na ito dahil wala naman tayong actual bike na pwedeng mai-review ng totoo.

Skyline Super 2018 (27.5) Specs

  • Frame: Alloy
  • Fork: Skyline
  • Shifters: Shimano Rapidfire 7 speed
  • Front Derailleur: Saiguan
  • Rear Derailleur: Shimano Tourney TZ 7 Speed
  • Crankset: Skyline
  • Bottom Bracket: Sealed
  • Rims: Skyline double wall
  • Tyres: Wanda King 27. 5

Alloy na yung  frame, may apat na kulay na pwede mapagpilian. Hindi ko sigurado kung meron pang iba. Sa size naman, wala din akong impormasyon kung anong size ba available itong Skyline Super MTB, siguro ay size 17 lang na common naman sa mga budget mountain bikes.

Unang tingin ko pa lang sa frame nito, halos kamukha ng frame ng Trinx M500 o Trinx M136. Flat yung ibabaw ng top tube, at nasa ilalim nun yung cable stoppers ng derailleurs at rear brake na pang mechanical disc brakes lang.

Yung fork naman, Skyline stock fork lang. Walang lock-out, manipis ang stanchions, kulay black, generic coil spring suspension fork lang.

Sa shifters, okay dahil Shimano ang shifters. Pero sa pagkakaalam ko, ito yung old model ng Shimano combo-shifters. Okay din naman na ang performance ng shifters na ito. Yung front derailleur naman, Saiguan brand. Nadidinig dinig ko na ang brand name na ito, karaniwan nga sa mga low-end bikes lang din. Yung RD naman, buti at Shimano na kahit Tourney lang.


3×7 speed ang setup nitong Skyline Super 27.5 MTB. Yung crankset, walang branding, pero mukhang bakal pa ang crank arms nito. Hindi ako sigurado sa sizes ng chainrings nito pero siguro ay 42-32-24T tulad ng iba. Yung cogs, hindi ko alam kung ano, baka nasa 14-28T tulad ng nasa ibang 3×7 na murang bikes.

Alloy na double wall yung rims, okay na din. Yung tires, Wanda ang brand. Hindi ko din alam itong brand na ito, siguro mumurahin lang din na tires.

Dahil combo-shifters pa sya, mechanical disc brakes lang ang preno nitong Skyline Super 2018 (27.5). Quick release naman na yung hubs, sa harap at sa likod.

Napansin ko dito may rd protector na nakakabit. Straight yung handlebar, walang bar end grips, ordinary lang yung handlebar grip.

Skyline Super 2018 (27.5) Price

P6000 lang yung price nitong Skyline Super 2018 27.5 MTB na nakita ko. Mura diba?

Pero maganda ba?

Verdict

Kung ako, P6000 lang ang budget, hindi na din siguro masama ito kasi okay na din naman yung pyesa. Yan lang talaga yung abot ng P6k na budget e. Pero kung kaya pa itaas, mas maganda sana yung Trinx M136 o M500 na lang. Konti na lang naman ang idadagdag, mas latest pa na Shimano combo shifters, at may lock-out pa yung fork, sa M500 naka alloy crank na din.

Kaya lang 27.5 ito e, yang mga nabanggit ko, 26er lang yan. Pero nasasayo pa din ang desisyon kung bibilhin mo itong model na ito.

Pero kung ako ang may tropa na humihingi ng tulong dahil gusto bumili ng Skyline Super mountain bike, sasabihin ko pa din na, mag dagdag na lang. May iba pang mura na 27.5 na maganda ganda e, gaya ng Foxter Powell 1.0 o di kaya yung sa Trinx na Trinx C520 (naka LTWOO parts) at Trinx C782 (naka hydraulic brakes na).

Baka kasi pag ito ang binili mo, dumating ka agad sa punto na may mga pyesa ka na kailangan palitan agad, mas mapapamahal ka pa lalo ng gastos.

Images via Ryanbikes


  •  
  •  
  •  
  •  
    1. Ronald D. April 4, 2018
      • Ian Albert April 11, 2018
    2. Nigel O Caliboso April 8, 2018
    3. Sean Gibaga April 28, 2018
      • Ian Albert April 28, 2018
        • Sean Gibaga April 29, 2018
          • Ian Albert April 29, 2018
    4. Peralta, aubrey April 30, 2018
      • Ian Albert May 1, 2018
    5. Lei November 8, 2018
      • Ian Albert November 12, 2018
    6. Jerson December 11, 2018
      • Ian Albert December 11, 2018
    7. kvnjslvbrngl March 4, 2019
      • Cj dolosa March 19, 2019
    8. ryan d. March 26, 2019
    9. Ken July 26, 2019
    10. Ken July 26, 2019
    11. Albert ordiales August 26, 2019
    12. jhunskie October 21, 2019
    13. akosi si tulfo March 2, 2020
    14. Kent May 13, 2020
    15. Gerald July 3, 2020

    Add Your Comment