Simplon Blizzard 9.1 29er Review

Naka Rockshox na fork at Deore parts

Subukan natin gawan ng review itong Simplon Blizzard 9.1 29er. Hindi na din ito budget bike dahil mataas na din ang presyo nito.

Medyo limited nga lang ang alam natin sa specs nito dahil wala naman tayo talagang actual na bike model. Sa specs lang tayo magbabase kung sulit nga ba bilihin ang  Simplon Blizzard 9.1 29er sa presyo nya.

Simplon Blizzard 9.1 29er Specs

  • Frame: 29 Medium Frame
  • Fork: Rockshox XC30 Air Fork
  • RD: Shimano Deore (10Speed)
  • Shifter: Deore 10 Speed
  • Brakes: Shimano Hydraulic Brakes
  • Bottom Bracket: Sealed
  • Rim: Aeroic double wall rim
  • Saddle: Simplon
  • Tyres: Maxxis Race tires

Alloy frame naman na din itong Simplon Blizzard 9.1 29er. Naka-internal cabling na, maganda ang porma, Tapered na din yata ang head tube kaya lalong mas maganda. Hindi ko lang alam kung may iba pang kulay na mapagpipilian, ganun din sa size kung may iba pang sizes bukod sa medium.

Rockshox na yung brand ng fork, mamahalin yun. Halos kalahati na ng presyo ng buong bike yung ganitong fork. Air-type na din yung suspension kaya magaan at mas maganda ang laro kumpara sa coil-type na suspension fork lang.  May remote lock-out.

Shimano Deore na yung pyesa. Deore yung RD at shifters. Yung front derailleur, hindi ko sure kung Deore na nga din ba. Hindi kasi mentioned. 3×10 speed ang setup nitong Simplon Blizzard 9.1.

Yung crank, Prowheel X-ten na hollowed ang bottom bracket. Mas magaan yun, sealed bearing na din.


Shimano non-series hydraulic brakes ang nakalagay.

Aeroic ang brand ng rims, alloy yun at double wall na.

Maxxis Pace ang tires na nakalagay. Balanse yon na magandang gamitin sa kalsada pati na din sa light trails.

Yung ibang pyesa, mukhang maganda din naman. Maganda yung saddle, at seatpost. Quick release na yung seat clamp. May lock-on yung grips. May rise yung handlebar, at parang medyo short din yung stem.

Simplon Blizzard 9.1 29er Price

P24,900 ang price na nakita ko dito sa Simplon Blizzard 9.1. Hindi na siya budget bikes. Mas mahal ito sa Simplon Blizzard 8.1 na parang ang pagkakaiba lang nila ay, hindi pa naka Rockshox fork yung 8.1.

Verdict

Sulit ba bilihin itong Simplon Blizzard 9.1?

Para sa akin, parang mahal. Kasi nandyan yung Foxter McKinley 8.0 na halos same specs lang naman dito sa Simplon Blizzard 9.1. Naka Deore parts na at naka Rockshox fork na din pero malaki ang diperensya nila sa presyo.

Parang mas sulit pa bilihin yung Foxter McKinley 8.0 dahil doon. Tutal, pareho lang naman silang hindi big name brands. Kasi itong modelo ng Simplon Blizzard 9.1, ay hindi naman legit na Simplon model. Parang Foxter lang din, pero tinatakan lang ng Simplon brand name sa batalya.

Kung ako ang bibili ng bike at gagastos ng ganito kalaking pera, doon na ako sa mas kilalang brand ng bike. Hindi man sing ganda ang fork, panatag ka naman sa kalidad ng frame. Pero sa totoo lang, maganda na din naman ang pyesa na mabibili mo sa ganyang budget kahit na sa big name brands ng bikes ka tumingin tulad ng Merida.

Images via Ryanbikes


  •  
  •  
  •  
  •  
    1. Aaronarya Betbet J. Bongais April 6, 2018
      • Ian Albert April 9, 2018
      • Ian Albert April 11, 2018
    2. Gokou 143 April 12, 2018
      • Ian Albert April 13, 2018
    3. EJL April 12, 2018
      • Ian Albert April 13, 2018
        • EJL April 13, 2018
    4. Neil Thaddeus A. Seno April 15, 2018
      • Ian Albert April 24, 2018
    5. pj April 26, 2018
    6. Mithi May 3, 2018
      • Ian Albert May 4, 2018
    7. Argel Tamayo June 17, 2018
      • Ian Albert June 17, 2018
    8. Larry Jam June 24, 2018
      • Ian Albert June 24, 2018
    9. pj sinohin August 13, 2018
    10. Dennis December 7, 2018
      • Ian Albert December 7, 2018
    11. Paolo February 19, 2019
      • Ian Albert March 16, 2019

    Add Your Comment