Paano mag Shift ng Gear sa Bike

Lahat ng gusto mo malaman tungkol sa pag-shift o pagkambyo ng gears sa bike mo pero takot ka itanong.

Kapag madaming gear yung bike, matutulungan ka nito na umahon ng mas madali kapag paakyat na yung daan. Hindi mo na kakailanganin na tumayo at pwersahin ang pag pidal dahil pwede mo mailipat yung gearing ng bike sa mas magaan na ipidal. Ganun din sa pabulusok, pwede mo mailipat sa mas mabigat na gearing para mas bumilis ka pa sa palusong.

Cadence

Bawat biker may sariling “cadence” (bilis ng pag pidal) at may kanya-kanya ding gustong bigat ng pag pidal. Kapag pumapadyak ka sa ideal na cadence mo, naibibigay mo yung pinakamadaming lakas pagpadyak na kaya mong i-sustain ng matagalan.

Mapipili mo yung cadence mo sa pag-shift mo ng gears. Kung ano yung gear na dapat mo gamitin para makuha mo yung ideal cadence mo ay nakadepende sa kung paahon ba yung daan, kapag may malakas na hangin, at depende na din sa kundisyon ng katawan mo habang pumapadyak ka.

via Lifehacker

Kapag naglalakad tayo, ang mga binti natin ay parang “pendulums”. Ang natural na pag “swing” ng binti ng mga nakakatanda ay nasa 60 na beses kada isang minuto. Mas maiksi ang mga binti ng mga mas bata kaya mas mabilis naman sa kanila.

Subukan mo ito: i-angat mo ang paa mo at i-kuyakoy (swing ng pabalik balik) mo ito. Kapag natural lang, hindi naman ito nakakapagod. Kapag binilisan mo o binagalan yung ganitong klase ng pag galaw, mas madaming muscles ang kailangang paganahin (lalo na kung bibilisan). Kapag naglalakad ka lang, nag-s-swing ang mga binti mo ng natural lang, kaya hindi masyadong kailangan ng effort.

Kapag pumapadyak ka naman sa bike, yung binti mo ay nagmimistulang parang sa makina lang na ito yung nagpapagana. Tumutulong yung pidal para umikot yung paa mo kaya nakakaya mong pumidal ng mas mabilis kaysa sa bilis ng paghakbang mo pag naglalakad at hindi ka masyadong napapagod.

Sabi nga sa physics, “work is equal to force times distance” – ibig sabihin nito, mas malaki ang distansya, mas kaunti ang force. Sa pagba-bike, mas mabilis ka pumidal, mas konti lang na lakas ang kailangan mo. Ang karaniwang magaan na cadence ay nasa 75 RPM hanggang 90 RPM.

Practice lang ang kailangan para masanay sa mas mataas na cadence sa pagpadyak pero kapag nasanay ka na, hindi ka na babalik sa mababang cadence na mabigat ipadyak.

High Gear o Low Gear?

Kapag sinabing “high gear”, mas mabigat, mabigat ipadyak. Kapag nag-shift ka sa mataas na gear, mapipilitan ka gumamit ng mas mabagal na cadence.

Kapag daw pumidal ka ng mas mabagal pa sa ideal cadence mo, nagsasayang ka lang ng lakas. Mas mapapagod din ang mga muscles mo dahil dito, maaari pang magkaroon ka ng “joint damage” sa tuhod at hita.

via Dreamstime

Kapag naman sinabing “low gear”, mas magaan, mas madaling ipidal kaya mas mabilis paikutin yung pidal para sa mas mataas na cadence.

Kapag nasobrahan ka naman sa mas mataas kaysa sa ideal cadence mo, mas bibilis ka pa lalo pero mas mapapagod ka naman kung pipilitin mo i-maintain yung napakabilis na cadence.

Ang Perpektong Bike

Kapag daw meron ka nung “perpektong bike”, yung tipong “unli” yung bilang ng gears, pwedeng pwede ka na pumadyak sa iisang cadence lang na gusto mo, depende sa daan na pinapadyak mo. Syempre kapag paahon, babagal ka, bibilis ka naman sa pabulusok, pero hindi malalaman ng mga binti mo ang kaibahan.

Karaniwan sa mga baguhan sa pagbibisikleta, mas pinipili nila na pumadyak sa mabagal na cadence, gusto nila yung mas mabigat na gear. Akala kasi nila mas ok yun, mas lalakas sila dahil kailangan nila mas magbigay ng pwersa sa pagpidal. Hindi naman daw yun totoo. Yung iba, pakiramdam nila, ang bagal nila kaya akala nila para bumilis sila, kumakambyo sila sa mabigat na gears.


“Mashing” vs. “Spinning”

“Mashing” kapag mabigat yung gear at mababa yung cadence. Parang power lifting lang yan. Ok siya kung nagbi-build ka ng muscle mass at gusto mo lumaki yung binti mo pero wala ito masyadong nagagawa para sa puso o baga mo at pwede mo pang ikasama kapag nasobrahan ka. Mas masakit din sa katawan.

via Yowamushi Pedal

“Spinning” naman kapag magaan yung gear at mataas yung cadence. Parang swimming naman ito, madaming galaw, paulit-ulit pero mababa lang ang resistance. Mas ginagawa nitong flexible ang mga binti mo, aerobic pa at hindi masyadong napu-pwersa ang mga joints mo kaya hindi ito nalalaspag masyado. Pwede kang pumapdyak maghapon ng ganito at hindi masyado malalaspag ang binti mo. Kapag sinasanay mo na ganito ang pagpadyak mo, mas dumadali ito at mas lalong nagiging kumportable.

Cleats Pedal

via Wiggle Guides

Kapag naka “cleats pedal” o “clipless” ka, mas madaling mag spin. Nakakatulong din ito na maiwasan na dumulas ang paa mo sa pidal. Sanayan lang din, dahil takaw semplang din ito kapag hindi ka nakapagtanggal kung titigil ka o bababa ka sa bike pero kapag nasanay ka na, parang hindi ka na babalik sa hindi naka-cleats.

Padyak para kumambyo

Kailangan mo pumidal paabante para lumipat yung gear.

via LJ Bike Shop

Kaya naman ng rear derailleur na mag shift ng gear kahit na itotodo mo yung pagpidal pero mas maganda pa din kung dadahandahin mo lang yung pagpidal habang nag-si-shift ka ng gears para na din sa kadena mo.

Alin ba ang para sa alin?

Merong kambyo (shifter) sa harap at sa likod.

via FTRB – for the road and beyond

Yung maliit na plato sa unahan, sa may crank, mas magaan. Yung malaking plato naman mas mabigat. Kapag kumakarera ka, dun ka sa malaking plato. Kapag naman umaahon ka, doon ka sa maliit na plato.

1 – magaan

2 – sakto lang

3 – mabigat

Yung malaking plato naman sa likod, mas magaan. Yung mas maliit naman, mas mabigat. Baliktad ng sa harap. Kapag umaahon ka, dun ka sa mas malaki para mas gumaan pa yung padyak. Depende sa pyesa na nakakabit kung ilan ang cogs sa likod.

via WickWerks

Iwasan mo din mag “cross chain”. Ito yung halimbawa, ilalagay mo sa malaki sa malaki. Malaking plato sa unahan, tapos malaking plato din sa likod. Ganun din kapag maliit na plato sa unahan, tapos ilalagay mo sa maliit na plato sa likod. Pwede mo naman ito gawin pero maingay ito, sasabit sa front derailleur ang kadena at mas maluluma agad ang kadena mo.

Resources: Sheldon Brown


  •  
  •  
  •  
  •  
    1. its arjay March 4, 2018
      • its arjay March 4, 2018
      • Ian Albert March 4, 2018
        • Its arjay March 5, 2018
          • Ian Albert March 6, 2018
            • Alex August 29, 2019
    2. wayup March 5, 2018
      • Ian Albert March 5, 2018
    3. Mark daniel Ramos March 6, 2018
      • Ian Albert March 6, 2018
    4. MasteR March 7, 2018
      • Ian Albert March 8, 2018
        • Simone nacionales June 3, 2018
    5. Karl March 13, 2018
      • Ian Albert March 13, 2018
    6. MGurevich April 29, 2018
      • Ian Albert April 29, 2018
    7. Rb Hernandez May 3, 2018
      • Ian Albert May 4, 2018
        • Rb Hernandez May 4, 2018
          • Ian Albert May 6, 2018
    8. Alfie lagroma May 8, 2018
      • Ian Albert May 9, 2018
    9. EJ Dumrique May 26, 2018
      • Ian Albert May 29, 2018
    10. EJ Dumrique May 26, 2018
    11. Batang_Hamog June 4, 2018
    12. Aeroll Garcia June 15, 2018
      • Ian Albert June 15, 2018
    13. Reggie ferraren July 1, 2018
    14. nhel July 12, 2018
    15. Chrisrtopher October 31, 2018
      • Ian Albert November 12, 2018
    16. Henry Thomas Parada December 24, 2018
      • Ian Albert January 23, 2019
        • Henry Thomas Parada April 30, 2019
    17. underscore February 21, 2019
      • Ian Albert March 16, 2019
    18. tom madrideo February 22, 2019
    19. Ivan Gundran March 5, 2019
      • Ian Albert March 16, 2019
    20. iPaul April 3, 2019
    21. jomar February 9, 2020
    22. Dong March 20, 2020
    23. eduard sarsona chavez April 22, 2020
    24. drake Marcus August 22, 2020
      • Ian August 26, 2020

    Add Your Comment