My First Ave Maldea Bike Frame


Or frames. Dalawa kasi yung pinagawa kong frame kay Mang Ave, isang cyclocross frame at isang triple triangle na fixed gear frame.

Finally, nakuha na din namin yung cyclocross frame and fork na pinagawa namin kay Mang Ave last February.

Apat kaming nagpagawa. Almost 4 months din yung waiting time.

Sobrang gaan lang pala nya. Hindi mo maiisip na hi-ten steel frame sya. Wala kaming pang-kilo kaya di ko pa masabi eksakto kung ano ang bigat nya.

Hindi ako masyado nakapag-picture dahil sobrang excited lang.


Silipin muna natin yung CX frame namin.

Ave Maldea Cyclocross Frame & Fork

Hi-tensile steel lang ang tubing nito. Medyo mahal na kasi para sa budget namin kung chromoly pa. Kasi kapresyo na ng isang gawa ng buong frameset na hi-ten steel ang tubings pa lang na chromoly kumporme pa sa variant ng chromoly, mas mamahal pa.

Cyclocross pala ang pinagawa namin dahil MTB ang dinadala ng grupo namin at gusto din namin maexperience naman ang naka dropbar. Hindi naman makikipagkarera na dapat magaan ang bike tulad ng sa road bikes, tapos madalas pa puro rough terrain ang lakad ng grupo kaya sweet spot talaga ang CX para sa new bike na gusto. Sakto pa, sabi daw mas maganda ang dampening ng steel frame kumpara sa aluminum kaya nagpagawa na kami ng Maldea CX frame. Disc brake na din ito.

Straight Top Tube at straight fork ang porma ng CX frame set na ito. Bawat isa sa amin ay sinukatan ni Mang Ave nung magpagawa kami kaya ibat iba din ng size yung frame namin.

Smooth welds

Kita nyo naman yung kulay gold na brazing, smooth welds talaga pag hand-made frame. Napakaganda. Oversized ang head tube nito, pang 1 1/8 na fork at headset.

Bosses

Nagpalagay na din kami ng boss para sa rear rack dahil plano din naming gawing touring-bike ito. Lalagyan namin ng rack sa likod at some time in the future makapag-bike packing din kami. 27.2mm ang seat post na ginagamit sa mga Maldea frames.

Dalawa na din yung bottle cage boss na nandito sa frame, isa sa down tube at yung isa sa seat tube.

Paragon Disc Dropout

Paragon daw ang tawag sa drop out na ito. Sabi ni Mang Ave, may extra bayad daw ito pero dahil daw madami kami ay ilibre na lang daw niya. Swerte, ang ganda kasi ng ganitong dropout. Dito pa lang, di mo masasabing ordinary steel bike frame lang siya.

Ang isa pang maganda sa mga Maldea frames, yung rear derailleur hanger nya ay medyo mahaba daw kaya di mo na kailangan ng extender (gaya ng goatlink/roadlink) kung sakali gustuhin mo gumamit ng mga cogs na may malalaking biggest plate (tulad ng 11-42t cogs).

Ready na din para sa rack at fender ang frame namin.


Maldea CX Fork

Yung fork naman namin, ay classic look. Straight para no issue sa disc brake. Pwede din na hindi ka magpagawa ng fork basta dala mo lang or alam mo yung sukat nito para maitama ni Mang Ave yung geometry ng bike (kung sakaling gusto mo ng straight TT or sloping ng -3deg, ganun).

May mga butas butas yung frame at fork sa bawat tubing. Hindi ko naitanong kung para saan ba ito pero may nabasa ako dati na para hindi daw ma-stock ang tubig sa loob ng frame kung sakali mang pasukin ito.


Yung fixie frame naman.

Ave Maldea Triple Triangle Fixed Gear Frame

Hindi naman talaga ako fixed gear rider pero dahil curious ako, at gusto ko maexperience mag fixed gear kahit dito dito lang sa street namin; nagpagawa na din ako ng fixie frame.

Triple triangle ang pinagawa ko na style para maiba naman, isa pa wala pa ako nakikitang naka triple-tri sa lugar namin. Alam mo na agad na custom made yung frame basta makita mo pa lang na triple triangle sya.

Sinabi ko lang triple triangle na fixed gear. Mas mahal ito ng kaunti kesa sa normal na style. Oversized na din ang head tube. Mas mabigat sya ng kaunti kumpara sa CX frame ko. Sa palagay ko dahil yun sa mas mataba na tubings na ginamit especially sa down tube.

Yung drop outs, ordinary lang na horizontal drop outs.

Gagawa po uli ako ng bagong post kapag nabuo ko na itong dalawang Maldea bikes ko.

Sa ngayon, nasa Republic Powdercoating na yung bike frames namin. Doon kasi mura ang papintura kaya doon na namin dinala. 1-week din ang waiting time.


Para sa mga interesado magpagawa ng Maldea frame:

Ave Maldea Address and Contact Details

Address: Les – Jay Building, 16 B Parola Street, Cainta, Rizal 1900

Dyan sila nakatira pero yung workshop ni mang Ave, katapat lang nito. Paano pumunta dito?

  • Baba lang po ng Junction, sa may traffic light, yung side ng Puregold, diretso lang po doon yung way.
  • Kapag nakadating na sa bandang dulo makikita na yung Savemore, kanan lang tapos may malapit na paradahan ng tricycle.
  • Yung katapat na street non na medyo makipot ay yun na ang Parola street.
  • Konting lakad lang, diretso, makikita nyo na yung Les Jay Bldg sa kaliwa, at sa kanan naman yung workshop.
  • Mayroon po akong ginawang video nung pagpunta namin, iuupload ko sya soon, sana makatulong.

Contact number: 0915-8262781

Mag text lang po sa number na yan para sa inquiries. Pwede din daw tumawag pero ayon sa asawa niya, hindi daw po palaging nakakasagot agad ng tawag dahil busy sa shop. Maaga din daw matulog si Mang Ave dahil maaga din sila mag-start mag gawa.

Pero sabi ni Mang Ave, mas maganda pa din daw kung actual na pupunta sa kanila. Dahil daw sa dami ng orders nila, mas priority nila yung pumupunta kaysa sa over-the-phone lang nagpapa-gawa.

Ave Maldea Frame and Prices

Hindi ko lang sigurado kung ito pa din yung prices ngayon, dahil nung last time na sabi ni Mang Ave, magtataas daw sila dahil nagtaas din ng presyo yung kinukuhanan nila ng materials (which is TryOn).

Frame:

Hi-ten frame at labor.

  • Fixed Gear – P5500
  • Road Bike – P6500
  • Cyclocross/Touring – P7500
  • may dagdag lang sa price kung sakaling may gusto ka din na icustomize sa ipapagawa mong frame. Halimbawa: integrated head tube, wolf drop out, triple triangle geometry, bosses, etc. Ito kagandahan sa custom-built frame, ikaw ang masusunod sa gusto mong kalabasan ng bike frame mo.

Sa mountain bike, hindi ko na naitanong kung magkano pero balita ko kasi sabi ng iba, hindi na daw gumagawa ng MTB si mang Ave dahil masyadong matrabaho daw ang pagbuo ng MTB frame.

Fork:

Chromo fork at labor.

  • flat crown – P5500
  • unicrown – P4500

Flat crown, yung kagaya ng pinagawa namin na classic look.

Tulad nga ng nabanggit ko, kung Chromo ang trip mo, mas mahal dahil mahal yung tubings.

Yan po yung price nung magpagawa kami, hindi ko na lang sure ngayon kung ganyan pa din, baka iba na kasi.

Hanggang sa muli po, ipopost ko din kapag nabuo na yung Maldea bikes namin.


  •  
  •  
  •  
  •  
    1. Chamoks October 11, 2017
      • Ian Albert October 11, 2017
        • Gerry jones November 25, 2018
          • Ian Albert November 26, 2018
    2. alfin sholeh October 24, 2017
      • Ian Albert October 29, 2017
    3. Chino October 27, 2017
      • Ian Albert October 29, 2017
        • Chino November 4, 2017
          • Ian Albert November 5, 2017
            • Chino November 9, 2017
            • Ian Albert November 10, 2017
    4. D November 25, 2017
    5. joshua January 10, 2018
    6. joshua January 10, 2018
      • Ian Albert January 10, 2018
    7. Nino January 19, 2018
      • Ian Albert January 21, 2018
    8. john paul April 17, 2018
      • Ian Albert April 24, 2018
    9. andrew April 22, 2018
      • Ian Albert April 24, 2018
    10. Rommel April 27, 2018
      • Ian Albert April 28, 2018
    11. ej daniel June 19, 2018
      • Ian Albert June 19, 2018
    12. Paw July 21, 2018
      • Ian Albert July 24, 2018
    13. Chong Solarte July 25, 2018
      • Ian Albert July 25, 2018
    14. Vic July 31, 2018
      • Ian Albert July 31, 2018
    15. Paw August 3, 2018
      • Ian Albert August 3, 2018
    16. Gerald December 3, 2018
      • Ian Albert December 5, 2018
    17. Glen March 5, 2019
      • Ian Albert March 16, 2019
    18. MIMON April 6, 2019
    19. Jua April 28, 2019
    20. fer July 11, 2019
    21. reynaldo villon July 27, 2020

    Add Your Comment