Mga Parts ng Bike

Basic na kaalaman sa bike

Madaming components ang bumubuo sa bike. Nakakalito talaga sa una lalo kung wala ka pa masyado alam sa bike.

Sa post na ito, sana makatulong ito para magka idea kayo sa mga tawag sa bawat pyesa, parts, o components ng bike.


Frame

Dito kinakabit lahat ng pyesa ng bike. Sa style at porma ng frame nakadepende ang magiging klase ng ride sa bike.

via Alex Navoa Bike Accessories

May mga gawa sa alloy, steel, carbon, at titanium na batalya. Alloy na ang pinakamagaan na mura. Yung steel, madalas natin makikita sa mga budget bikes, may kabigatan yun at kinakalawang. Pero meron din na steel frame na mamahalin at mas magaan, madalas makikita natin yung sa mga hand-built custom bikes. Yung carbon, magaan yan, pero mahal na yan, ganun din ang titanium na bike frame. Meron pa nga na gawa sa bamboo, mahal din yun pero hindi mo din naman common na makikita sa kalsada.

Madalas din, yung frame ang nagdidikta ng brand ng bike. Kung ano yung brand ng frame, yun ang nagiging brand ng bike.

Yung headtube ng bike, yung pinagsusuksukan ng steerer tube ng fork, may ibat ibang porma din yun. Merong tapered at non tapered, yun yung shape ng headtube. Meron ding oversized at standard. Yung standard madalas sa mga classic bike frames yan, sa mga makabagong bikes, puro mga oversized na. Sa oversized meron ding integrated at non integrated, yan naman yung nakadepende sa laki ng butas ng head tube. Ito, importante tong malaman para alam mo na tama yung headset na gagamitin mo kung sakali na magpapalit ka ng sealed bearing headset.

May sizes din ang frame, na kung saan mahalagang mapili ang tamang frame size ng bike depende sa height ng gagamit nito.

Yung size ng gulong, sa frame din nakadepende kung ano yung kasya sa kanya.

Fork

Fork o tinidor. Ito yung nakakabit sa frame, para makabitan ng gulong na pang unahan.

via Bike Haus

May fork na rigid, may fork na may suspension. Yung may suspension, madalas makikita mo sa mountain bikes. Mga rigid forks naman, sa mga bikes na madalas pang road lang.

May fork na tapered, meron ding non-tapered. Ito yung porma ng steerer tube na depende din sa head tube ng bike frame kung ano yung kailangan mo gamitin.

Drivetrain

Sa groupset, madaming pyesa na bumubuo dun. Nandun yung drivetrain na syang nagpapatakbo at nagpapahinto sa bike.

Ito naman yung mga pyesa na bumubuo sa groupset:

LTWOO A7 shifter

Shifters – ito yung kumokontrol sa derailleurs para lumipat yung kadena sa cogs o sa chainring.

LTWOO A7 FD

Front derailleur – ito naman yung naglilipat sa kadena sa mga plato ng chainring.

LTWOO AT1 RD

Rear derailleur – ito naman yung naglilipat sa kadena sa mga cogs sa sprocket.

via Ivan Abulencia

Brakes – sa mountain bikes, madalas disc brakes na. Merong mechanical at hydraulic disc brakes. Sa ibang bikes, caliper, v-brakes, at cantilever ang mga preno nun. Ito yung nagpapahinto sa bike.


via Jp Siasoco

Crankset – ito yung kinakabitan ng pedal. May ibat ibang setup din ng crankset, kung ilan yung plato/chainring: merong 3x, 2x, at 1x.

Chain – kadena, ibat iba din ng speed ang kadena. Dapat kung anong speed ang setup mo sa bike, ganun din yung kadena. Halimbawa, 8-speed, 8-speed din dapat yung chain. 10-speed, 10-speed din dapat yung kadena.

Cassette – ito yung mga cogs sa likod ng bike. Dito nakadepende kung ilang speed ang itatawag sa drivetrain ng bike. Minsan, sprocket ang tawag dito. Mas tama yata yun, kasi may sprocket na cassette type at meron din namang thread type.

Yung thread type, yan ang madalas na makikita mo sa mga budget bikes na naka 7 o 8 speed. Naka thread ang pagkakakabit nun sa hubs.

Bottom Bracket – ito naman yung nasa bottom bracket shell ng frame. Dito kinakabit yung crankset para maging swabe ang pag ikot nun.

Wheelset

May ibat ibang components din na bumubuo sa wheelset.

Tires – ito yung mismong goma sa labas. May ibat ibang klase din ng tires na pwede gamitin, depende sa kung saan ang balak mo na pag padyakan. May mga tires na specific sa trails, at may tires din na mas masarap ipadyak kung sa kalsada lang naman.

Rims – ito naman yung kinakabitan ng tires. Karaniwan dito, gawa na sa alloy. May ibat-ibang rim width na din ito, o lapad na nagdidikta din sa kung gaano kataba ang kalalabasan ng tires na ikakabit.

May rims na may brake line, yun yung para sa mga naka caliper v-brakes na madalas makikita mo sa road bikes. Mas manipis din ang rim width ng nasa road bike kasi mas manipis din ang gulong na ginagamit nila.

Spokes and Nipples – ito naman yung nagdudugtong sa rims at sa hubs. May ibat ibang klase din ng spokes at nipples. Kung ilang butted at anong materials ang ginamit. Dito din nakadepende ang tibay ng gulong kung madali ba maootso ito o mawawala sa alignment.

Hubs – ito naman yung nagkakabit sa wheelset sa frame. May ibat ibang klase din ng hubs. Merong quick release, na madaling tanggalin sa bike, meron ding thru axle na makabagong style na, at meron pa din ilan na naka nut pa yung axle.

Meron ding hubs na cassette type at thread type. May ibat iba ding haba itong hubs e, depende sa kung pang road o pang MTB siya. May ibat iba ding speed o bilang ng cogs sa sprocket ang pwede sa kanya. Yung iba hanggang 10-speed lang kaya merong hubs na 11-speed ready kung tawagin.

Sa MTB hubs na pang disc brakes, may bolt-type at center-lock. Ito lang yung style ng pagkakakabit rotors sa kanya.

Dito din sa hubs yung “tunog mayaman”. Ito yung may tunog kapag nag freewheel yung hubs. Medyo mas mahal yung hubs na mas maingay at mas maganda yung tunog.

Cockpit

Handlebar – sa handlebar, may ibat ibang style din. Ibat-ibang haba ito. Depende sa trip na porma ng rider.

Stem – ito ang nagkakabit sa handlebar sa steerer tube ng fork. May ibat ibang haba din ito, at may ibat ibang angle din para sa ibat ibang riding style.

Seatpost – ito yung kinakabitan ng saddle sa bike. May ibat ibang taba din ang seatpost, depende sa specs ng seat tube ng frame ng bike.

Misc

Ito naman yung mga ibang pyesa pa ng bike.

Headset – ito yung nasa loob ng head tube ng bike para umikot ng swabe yung steerer tube ng fork. Karaniwan ang stock nito sa bike ay loose bearing pa, may nabibiling sealed bearing na. May ibat ibang klase din ng headset, depende sa head tube ng bike.

Seat clamp – ito naman yung umiipit sa may seat tube ng bike para ma fix yung seatpost sa pwesto nya. Meron nito na quick release, meron ding kailangan mo pa i-allen key. Depende din sa specs ng frame kung anong size ng seat clamp ang gagamitin.

Handle grip o hand grip – sa mountain bikes, o basta sa mga naka straight na handlebars, may nilalagay na ganito para naman kumportable hawakan ang manibela. Sa road bikes, bar tape ang katumbas nito.

Pedals – ito yung tinatapakan. May flats, may cleats pedals na kumakabit sa sapatos ng biker. Sa pedals may ordinary, meron ding sealed bearing na. Mas smooth yung sealed bearing at mas tumatagal yun kumpara sa loose bearing na ordinary pedals.

Bottle cage – ito yung kinakabit sa batalya ng bike para malagyan ng water botle.


Baka may iba pa akong nakalimutan idagdag dito. I-update ko na lang ito, pero sa ngayon, sana makatulong ang post na ito sa mga kapadyak natin na wala pa masyado idea tungkol sa mga tawag sa mga parts o pyesa ng bike.


  •  
  •  
  •  
  •  
    1. JL July 3, 2018
      • Ian Albert July 4, 2018
        • richmond July 4, 2018
        • Jess Reyes July 3, 2020
    2. JL July 3, 2018
    3. Melvin July 8, 2018
      • Ian Albert July 10, 2018
    4. Jovdiz August 14, 2018
      • Ian Albert August 19, 2018
    5. Jay August 22, 2018
      • Ian Albert August 22, 2018
    6. Eds August 27, 2018
      • Ian Albert September 4, 2018
    7. mj October 26, 2018
    8. prince james November 27, 2018
      • Ian Albert December 5, 2018
    9. Marvin Lorico December 2, 2018
      • Ian Albert December 5, 2018
    10. Dhune Miguel January 9, 2019
      • Ian Albert January 23, 2019
    11. Philip Arroyo February 7, 2019
      • Ian Albert March 16, 2019
    12. Aaron Melendres February 11, 2019
      • Ian Albert March 16, 2019
    13. Gene March 20, 2019
    14. Bok April 7, 2019
    15. Rence April 8, 2019
    16. JIMUEL May 7, 2019
    17. Zakk Dionysus Padua-Rombaoa June 11, 2019
    18. nik July 7, 2019
    19. jigs July 22, 2019
    20. John jorge September 14, 2019
    21. Jun October 25, 2019
    22. Wilz February 18, 2020
    23. Jhay R Navarro May 26, 2020
    24. Eugene himor July 5, 2020
    25. jay August 10, 2020

    Add Your Comment