Nung una kong makitang lumabas ang brand na Marcus, una talagang sumagi sa isip ko na halos hawig sya ng Keith na MTB. Same style ng paint job, at pangalan din ng lalaki pareho. Medyo hindi ako bumilib sa Marcus na MTB dahil may kataasan ang presyo nito at gumaya lang ng design ng frame sa Keith.
Ito ang Marcus M300, ganda ng style diba. Hydraulic brakes, 9-speed, at internal cabling yung frame. SRP nito naglalaro sa P13K pataas.
Ito naman yung MTB na binuo sa Keith Monster na frame. Ang SRP ng Keith Monster frame ay nasa P22K naglalaro.
Hawig na hawig diba?
Anyways, ang titignan naman talaga natin sa review na ito ay yung Marcus M50. Nung nai-search ko ito, medyo natuwa ako dahil hindi na siya kopya sa Keith.
Di ko naman masyadong minamasama yung pagkopya nila sa Keith, maganda naman talaga yung colorways at design ng Keith, sabi nga “kung mangongopya ka, copy from the best na”, pero para sakin mas maganda pa din kung imamarket nila ang bikes nila na may sarili nilang style.
Isa sa ikinagulat ko ay ang mababa na SRP nitong Marcus M50, P7600 lang sya sa Stan at P8k naman sa iba. Maari mong sabihin na normal price lang siya ng mga desenteng budget MTB’s, pero naka hydraulic brakes na itong Marcus M50. San ka pa.
Kaya lang nung tinitigan ko ng matagal ang Marcus M50, naalala ko naman Foxter FT301. Medyo may hawig sila sa style ng paint job, medyo lang naman.
Walang official site ang Marcus bikes, wala akong official reference sa specs ng MTB na ito bukod sa mga pictures at details na pinost ng mga nagbebenta nito.
Marcus M50 Specs
Frame
Alloy yung frame ng Marcus M50. Square ang style ng tubings. 27.5 ang kasya na gulong. Hindi ko sigurado kung may iba pang size bukod sa 16.5″.
Fork
Yung fork naman, may lock-out na at preload adjuster. Di ko akalain na ganito na yung fork nito knowing na mura pa din sya kahit naka hydraulic na.
Drivetrain and Brakeset
Naka Shimano non-series hydraulic brakes na itong Marcus M50. May 3×8-speed na Altus shifter na din. Ito palang nasa P2k+ na agad ang presyo kung bibili ka ng ganitong pyesa.
Tourney naman yung FD at RD. Yung cogs nga lang nakita ko, SUNRUN ang tatak. Yung triple crankset naman nya, di ko sigurado kung alloy na ba o bakal.
Wala tayong info sa teeth ng crankset at cogs ng sprockets.
Update: 12-34t pala ang range ng cogs nito. KMC daw yung chain.
Wheelset
Chaoyang yung tires, at double-wall alloy yung rims. Yung hubs naka quick-release na. Sure ako thread type hubs ito. Yung width ng tires di ko makita kung ano, pero judging from the pattern ng tires mukhang swak naman ito for both road and light trails or off-road riding.
Update: 2.0 ang tire width ng Chaoyang tyres na nakakabit dito, kaya pala medyo may kalapadan sya sa pictures. Common sa budget bikes kasi na 1.95 lang yung width ng gulong.
Other components
Yung stem ay alloy, yung handlebar naman steel pa. Yung seatpost siguro ay steel din dahil medyo old-school ang style. Yung saddle medyo maganda ang porma dahil slim profile.
Verdict
Ano kaya ang naging compromise ng bike na ito, bakit ang mura nya kahit naka hydraulic brakes na siya?
Kung yung tires at cogs lang naman ang medyo iba sa mga budget bikes tulad ng Trinx M500 o Foxter FT301, mukhang sulit na ito.
Kasi parang parehas sila ni Foxter FT301 talaga, same 27.5 at yung mga pyesa din. Kaya lang si Foxter FT301 ay P7k ang price, ito naman si Marcus M50 ay P7.4k. Sa halagang P400 nakapagupgrade ka na sa hydraulic brakes at bagong shifters.
Yung mga nakikita ko kasi na ibang murang naka-hydraulic brakes mula sa ibang brands, like Phoenix MTB, minsan steel frame pa lang, or alloy nga pero ang drive train, walang Shimano, puro SUNRUN. Meron pa ako nakita dati, may sticker na SUNRUN pero pag tinanggal mo naman mababasa mo ang nakalagay na tatak ay “Shinoma”. Nasa P8k pa lumalaro yung mga ganitong MTB, kasi naka hydraulic brakes na.
Kung makakabili ka ng Marcus M50 sa presyong P7400, sulit na siya sa palagay ko.
Leave a Reply