Ang haba naman ng pangalan nitong MTB na ito. Comodo High-Grade ang pangalan ng 27.5 na MTB na ito. Hindi masyadong sikat ang Comodo na brand, at sa Ryanbikes ko lang ito nakikita talaga. Pero dahil may nagrequest na silipin natin ang specs ng MTB na ito, susubukan natin gawan ng review base sa specs na makikita natin.
Ayon sa Ryanbikes, P7000 ang SRP nitong Comodo 27.5 MTB. Yung price na yun, mas mura pa siya sa Foxter FT301 ng konti kung tutuusin. May additional cash discount pa daw sa cash buyers, sabi ng Ryanbikes.
Ito naman yung specs na nakita natin sa internet:
Comodo High Grade 27.5 Specs:
- Frame: High-Grade Alloy
- Fork: Comodo Top Custom Butted
- Shifters: Shimano Rapidfire 8 speed
- Front Derailleur: Shimano Tourney
- Rear Derailleur: Shimano Toruney 8 speed
- Brakes: Mechanical Bengal
- Crankset: Comodo
- Bottom Bracket: Sealed
- Rims: Aeroic double wall
- Tyres: Comodo 27. 5
Alloy yung batalya, parang kagaya lang din ng sa mga frame ng Trinx Majestic series yung style na flattened yung tubings ng top tube at yung ilalim din ng down tube. Sa kulay naman, parang style ng Giant bikes ang naalala ko.
Yung fork naman, Comodo branded lang din pero may lock out na.
Sa drivetrain naman, yung shifters ay Shimano combo-shifters, yung fd at rd ay tourney na 8 speed. Bale 3×8 ang gearings nitong Comodo MTB na to. Buti naman at Shimano parts yung ginamit dito.
Sa brakeset naman, hindi pa ito naka-hydraulic, mechanical brakes pa din. Bengal ang maker ng brakes, hindi ko kilala pero nung nai-search ko, meron silang website at matagal na pala silang gumagawa ng OEM brake calipers.
Yung crankset naman, hindi Prowheel, Comodo rebrand ulit. Hindi ito nakakalas for sure, gaya lang din ng mga nasa budget MTBs. Wala akong clue kung alloy na ba yung crank arm nito at kung ano ilan ang teeth ng mga chainrings. Sealed na daw yung bottom bracket.
Yung rims naman ay Aeroic brand. Meron ako nito, alloy ito at medyo mas makapal ang rim width nito kumpara sa ibang rims na nakita ko na di branded. Sabi sa decals ng Aeroic rims, made by Mountainpeak siya. Hindi pa din naman established brand ang Mountainpeak, wala lang nabanggit ko lang.
Sa hubs, wala tayong info pero huhulaan ko. Baka kagaya ito ng hubs na nasa Trinx Majestic. Thread type, pero quick release naman. Bolt-type naman yung para sa kabitan ng rotors.
Yung tyres naman, Comodo uli. Base sa pics parang mas aggressive yung knob patterns at parang best used in trails sya.
Dun naman sa ibang details: straight yung handlebar, walang bar end grips, maganda yung saddle (parang ginaya yung Fizik), may stand, at yung pedal parang alloy na.
Verdict
Overall, parang wala naman sya kinaiba sa Foxter FT301 na parehas lang din sila na 27.5. Parehas lang ang porma at sa mga basic specs, parehas lang din. Sa SRP din, pasok na pasok sa bilang budget MTB.
Maganda naman na yung pyesa nya pang beginner at sa price, hindi na talo.
Kung trip mo yung porma at kulay ng frame ng Comodo High Grade 27.5 MTB, pwede na ito.
Ito pa yung ibang kulay ng Comodo 27.5 MTB:
[alert-note]Image credits sa Ryanbikes.[/alert-note]
Leave a Reply